Indiana PathWays for Aging - Dagiti Masansan a Maisaludsod

Ti Indiana PathWays for Aging ket maysa a programa ti Medicaid iti maimatmatonan a panagtaripato para kadagiti Hoosiers nga agtawen iti 60 ken nasursurok pay nga umaw-awat kadagiti benepisio ti Medicaid (wenno Medicaid ken Medicare). Ipakpakita ti panagsukimat a kaaduan kadagiti nataengan nga adulto - 75% wenno ad-adu pay - ket kayatda ti tumaeng iti pagtaengan ken kadagiti komunidadda.

Nu saanka a nakalista iti Indiana a Medicaid, mabalin a maikarika. Tapno maammoan no kualipikadoka wenno no addaanka kadagiti saludsod maipapan iti agdama a masakupam, bisitaem ti in.gov/Medicaid/members. Mabalinmo met a tawagan ti linia ti tulong ti programa para iti Indiana PathWays for Aging iti 1-877-284-9294.

Ti plano iti salun-at ket maysa a kompania iti seguro ti salun-at. Dagiti mangngagas, ospital, ken dadduma pay a tagaipaay iti panangtaripato iti salun-at, agraman dagiti mangipapaay iti waiver ket agpalistada iti plano ti salun-at tapno makaipaay iti panangaywan kadagiti miembro. Ti Indiana ket nakikadua kadagiti plano iti salun-at para iti Indiana PathWays for Aging, Hoosier Healthwise, Healthy Indiana a Plano, ken dagiti programa ti Hoosier Care Connect. Ti UnitedHealthcare ket maysa a plano iti salun-at para iti Indiana PathWays for Aging ken iti Hoosier Care Connect.

Ti plano iti salun-at ket mangipapaay kadagiti miembro iti saklaw iti taripato iti salun-at. Kalpasan a makapili ti maysa a miembro iti plano iti salun-at para iti programada a Medicaid, mabalinda ti makagun-od iti medikal a pannakataripato manipud iti nadumaduma a tagaipaay iti taripato iti salun-at ken iti dadduma a kaso, dagiti mangipapaay iti panangiwaksi. Dagiti plano iti salun-at ket mangipapaay iti napasayaat a koordinasion iti taripato tapno matulongan dagiti miembro a mapan kadagiti nadumaduma a serbisio a kualipikadoda. Mangipapaay pay dagiti plano iti salun-at iti koordinasion ti serbisio.

Wen, makaalaka iti ID kard manipud iti Plano iti Komunidad ti UnitedHealthcare. Tunggal miembro ti pamilia a nakalista iti Indiana PathWays for Aging ket rumbeng nga addaan iti bukodna nga ID kard.

Kasapulamto ti ID kardmo kas miembro para iti amin a panagbisita iti tagaipaay iti serbisio, ospital, ken parmasista. No dika pay nakaawat iti ID kardmo iti uneg ti maysa a lawas manipud iti petsa a panagepekto ti panagpalistam iti UnitedHealthcare Community Plan, maidawat a kontakem dagiti Serbisio ti Miembro iti 1-800-832-4643. Nu adda disabilidadmo iti panagdengngeg wenno panagsao, maidawat a tawagan ti TTY 711.

Maragsakankami a mangipaw-it iti baro kenka. Maidawat a kontaken a libre ti Serbisio iti Miembro, iti 1-800-832-4643. Nu adda disabilidadmo iti panagdengngeg wenno panagsao, i-dialmo ti TTY: 711. Mabalinmo met ti mapan iti myuhc.com/communityplan. Kalpasan ti panagrehistrom, mabalinmo nga i-download, imaldit, wenno agkiddaw iti baro nga ID kard.

Ti Tagakoordina iti Taripato ket maysa a tao a mabalin a makiuman kenka tapno mangaramid iti personal a plano ti panangtaripato a naibatay kadagiti kayatmo ken kasapulam. Makatulongda pay a mangsungbat kadagiti saludsod a maipapan iti panangtaripato iti salun-atmo ken matulongandaka kadagiti tagaipaay iti serbisio kenka. Maited kenka ti numero ti telepono ti Tagakoordina iti Taripatom. Mabalinmo met a tawagan ti Dagiti Serbisio iti Miembro iti 1-800-832-4643 (TTY: 711) tapno maikonektar.

Ti Tagakoordina iti Serbisio ket maysa a tao a makipagtrabaho kenka tapno mangaramid iti personal a Plano ti Serbisio tapno makatulong a mangikoordina kadagiti Serbisio a Nakabatay iti Pagtaengan ken Komunidad (HCBS). Makatulong ti Plano ti Serbisio a mangbukel iti plano ti panangaywan kadagiti serbisio ken suporta a kasayaatan a makatun-oy kadagiti kasapulam ken kayatmo a gun-oden.

Kasaritam ti Tagakoordina iti Taripato ti UnitedHealthcare tapno saritaanna dagiti mapagpiliam. Ti Tagakoordina iti Taripatom ket mangaramid kadagiti panangtingiting iti salun-at ken iturongnaka iti Tagakoordina iti Serbisio tapno maikeddeng ti kualipikasionmo iti panagtignay tapno maawatmo dagiti suporta a kasapulam tapno makapagtalinaedka iti pagtaengan.

Kontakem ti Tagakoordina iti Taripato ti UnitedHealthcare tapno mapagsaritaanyo dagiti mapagpiliam. Mangisayangkatkami kadagiti panagtingiting iti salun-at ken irekomendadakayo tapno maikeddeng ti kualipikasionmo iti panagtignay tapno maawatmo dagiti suporta a kasapulam iti pagtaengan a pagtaraknan.

Ti panagtingiting iti salun-at ket maysa a benneg dagiti saludsod a mangsaludsod iti maipapan kadagiti personal a kababalinmo, dagiti pasamak a makabalbaliw iti biag, dagiti kayatmo a gun-oden ken prioridad iti salun-at, koordinasion ti serbisio ken sapasap a salun-at. Usarenmi dagitoy a panagtingiting tapno makaaramid iti personal a plano ti panangtaripato a naibatay kadagiti kayat ken kasapulam.

Ti plano ti serbisio ket maysa a plano ti suporta, nga inaramid ti Tagakoordina iti Serbisiom, para iti panangtulong kenka a makagun-od iti akses kadagiti serbisio a napaut a panagtaripato, kasta met kadagiti medikal, sosial, pabalay, pang-edukasion, ken dadduma pay a suporta. Saan nga amin iti PathWays ket agkasapulan iti plano ti serbisio.

Mabalinmo a tawagan ti Indiana PathWays for Aging helpline iti 1-877-284-9294 (1-87-PATHWAY-4).

Dagiti serbisio ti koordinasion ti taripato ket magun-od ti tunggal miembro ti PathWays. Dagiti miembro a makatun-oy kadagiti kasapulan iti pannakakualipika iti panagtignay ket addaan iti akses iti koordinasion ti serbisio ken kadagiti nayon a serbisio:

• Dagiti para aldaw a serbisio dagiti nataengan
• Panangtaripato iti pamilia dagiti nataengan
• Nabaddangan a panagbiag
• Panangaywan ti paraaw-awir
• Dagiti modipikasion iti pagtaengan
• Panangikoordina iti taripato iti salun-at
• Dagiti makan a maitulod iti balay
• Dagiti suplemento a sustansia
• Dagiti sistema para iti personal a sungbat iti emerhensia
• Respite
• Espesialisado a medikal nga alikamen
• Estrukturado a panangaywan iti pamilia
• Pagluganan
• Dagiti modipikasion ti lugan
  

Mabalinmo nga awagan ti Dagiti Serbisio iti Miembro ti UnitedHealthcare iti 1-800-832-4643 wenno usarem ti ramit a Pagbirok iti Tagaipaay iti Serbisio online tapno masukimat no ania dagiti tagaipaay iti serbisio nga adda iti network ti tagaipaaytayo iti serbisio. Mabalinmo met a tawagan ti Indiana PathWays for Aging helpline iti 1-877-284-9294 (1-87-PATHWAY-4) para iti tulong.

Mabalin a tawagan ti Dagiti Serbisio iti Miembro ti UnitedHealthcare iti 1-800-832-4643. Mabalinmi nga ibingay dagiti pammataudan tapno masuportaranka ken ti miembro ti PathWays.

Kalpasan ti umuna a panagpalista iti plano ti salun-at, ti panawen ti panagpilim iti plano iti salun-at para iti Pathways ket iti tengnga ti Oktubre agingga iti tengnga ti Disiembre a tinawen. Daytoy ket silulukat met laeng a panagpalista para iti Medicare.

No nakalistaka iti programa a PathWays, makaawatka iti surat manipud iti Dibision ti Pamilia dagiti Pammataudan wenno iti Broker ti Panagpalista.

Tunggal 12 a bulan ket masapul a makompleto dagiti miembro ti proseso ti panangikeddeng manen iti pannakakualipika. Karamanna daytoy ti pinansial ken medikal a pannakakualipika. No adda agbaliw iti impormasionmo, mabalin nga agipatulod ti FSSA iti kiddaw nga agkasapulan iti sungbat tapno agtultuloy ti pannakakualipika sakbay nga agpatingga ti 12 a bulan a panawen. Mabalin a kiddawen manen ti FSSA a paneknekam ti matgedam ken dagiti sanikuam.

Masapul a tinawen a pabaroem ti pannakasaklawmo. Mabalinmo nga aramiden daytoy babaen iti panangbisita iti lokal nga opisina ti Dibision ti Pamilia dagiti Pammataudan wenno babaen iti portal account-mo iti https://fssabenefits.in.gov/bp/#/. Mabalindaka met a tulongan iti panangpabaro iti pannakasaklawmo.
 

Nu umakarka, kasapulam a kontaken ti Estado ti Indiana tapno mapakaammoanda. Bisitaem ti in.gov/Medicaid/membersorwenno tawagam ti linia ti tulong ti programa nga Indiana PathWays for Aging iti 1-877-284-9294.

Wen, mabalin a baliwan dagiti indibidual dagiti plano ti salun-at iti uneg ti 90 nga aldaw manipud iti umuna a panagpalista iti PathWays, bayat ti tinawen a panawen ti panagpili iti plano iti salun-at, wenno iti aniaman nga oras gapu iti nainkalintegan a rason. Kontakem ti Indiana PathWays for Aging Helpline iti 1-877-284-9294 (1-87-PATHWAY-4)  tapno masarita ti maipapan kadagiti mapagpilian.

Makipagtrabaho ti UnitedHealthcare nga agpadpada iti planom iti salun-at ti Medicaid ken iti planom iti salun-at iti Medicare tapno maikoordinar ti taripatom. Mabalin a karaman ditoy ti panangikonekta kadagiti medikal ken suporta ti komunidad a kasapulam. Mabalindaka pay a tulongan a makagun-od iti akses kadagiti serbisio a saan a sakupen ti Medicare.

Wen. Mabalin a kualipikado ti maysa a tao para iti agpadpada a Medicaid ken Medicare ken umawat kadagiti benepisio manipud iti agpada a programa nga aggiddan.

Ti Medicaid ket programa a ponpondoan dagiti gobierno a pederal ken estado, nga agbaybayad para iti medikal a taripato para kadagiti kualipikado. Para iti ad-adu pay nga impormasion maipapan kadagiti nadumaduma a sidadaan a programa iti Indiana, bisitaen ti in.gov/Medicaid/members

Ti Kualipikado iti Doble a Plano para kadagiti Espesial a Kasapulan (D-SNP) ket maysa a klase ti plano iti seguro ti salun-at. Daytoy ket para kadagiti tattao nga addaan agpada iti Medicaid ken Medicare. No sika dayta, sika ket “doble’t-pakaikariam.”

Mabalinmo ti makagun-od iti impormasion maipapan kadagiti D-SNP babaen iti pannakiuman iti Ptrograma ti Estado a Tulong iti Seguro ti Salun-at (State Health Insurance Assistance Program, SHIP) iti 1-800-452-4800 tapno makasarita ti maysa a mamalbalakad. Ti SHIP ket libre a programa iti panagbalakad para kadagiti tattao nga addaan iti Medicare. Mabalinmo ti makagun-od iti personal a rupan-rupa a tulong, iti telepono, wenno birtual.

UnitedHealthcare
Maawagan ti imatang: PathWays
2955 N. Meridian Street, Suite 401
Indianapolis, IN 46208

Kayatmi a mangngeg dagiti miembromi maipapan iti aniaman a saludsod, reklamo wenno pakaseknam. No adda reklamom, maidawat a tawagam dagiti Serbisio iti Miembro nga awan bayadna, iti 1-800-832-4643, TTY 711, Lunes - Biernes manipud 8 AM - 8 PM ET.

No saanka a naragsak iti pannakaaywan wenno pannakaagasmo babaen kadagiti Serbisio iti Miembro, empleado ti plano iti salun-at, wenno maysa a tagaipaay iti serbisio, mabalinmo ti mangidatag iti reklamo. Mabalinmo ti mangidatag iti reklamo maikontra kadakami (ti plano iti salun-at) wenno ti mangipapaay iti serbisio kadakami iti aniaman nga oras.

Mabalinmo met ti mangipatulod iti surat. Maidawat nga iramanmo ti nagan, address, numero ti ID, ti rason ti reklamo, ken aniaman a dadduma pay nga impormasion a pagarupem a napateg. Dayta nga address ket:

Dagiti Reklamo ken Apela iti UnitedHealthcare
P.O. Box 31364
Salt Lake City, UT 84131-0364

Addaanka kadagiti dadduma a karbengan a pakairamanan dagiti apela ken Maiparbeng a Panangdengngeg ti Estado. Para iti detaliado nga impormasion maipapan kadagiti reklamo ken apela, tawagan ti Dagiti Serbisio iti Miembro wenno kitaem ti paset dagiti Apela ken Reklamo iti Libro ti Miembro.

No pagarupem a mapaspasamak ti panagkusit, panagsayang wenno panagabuso, tawagam ti Hotline ti Panagkusit ti UnitedHealthcare iti 1-844-359-7736. Mabalinmo met a tawagan ti Dagiti Serbisio iti Miembro iti 1-800-832-4643. Saanmi nga usaren ti naganmo iti reportmo. Saanka a maisagmak iti panangireportmo iti daytoy. Sikami ti mangtaming iti daytoy para kenka. Addaan met ti Estado ti Indiana iti libre nga hotline para iti panagkusit, panagsayang ken panagabuso. Mabalinmo a tawagan ti 1-800-403-0864. Mabalin a saan a managanan dagiti report. Mabalin nga i-dial dagiti agus-usar iti TTY ti 711 para kadagiti amin a pagpilian.

Para iti ad-adu pay nga impormasion wenno tapno agipakaammo online mapanka ditoy

Awan. Awanan kadagiti copay ti Indiana PathWays for Aging a programa.

Saan. Sursurotenmi ti listaan ti napili nga agas nga agpapada para kadagiti amin a miembro ti Indiana PathWays for Aging. No makiddaw kenka nga agbayadka kadagiti agas, maidawat nga ipakaammom a dagus daytoy iti parmasista. Dagiti gagangay a parikut iti parmasia ket: 

• Awan ti umiso a detalye ti parmasia iti file. Ipakitam ti ID kardmo kas Miembro. Addaan dayta iti umiso nga impormasion maipapan iti panagsingir.
• Saan a naikeddeng ti parmasia nga umawat iti masakupam iti UnitedHealthcare para iti Indiana PathWays for Aging. Mabalin a kasapulam ti agsukat kadagiti parmasia. Ti Walgreens ti kangrunaan a parmasiami. Adda adu a dadduma pay a parmasia a sidadaan para kenka. Maidawat nga usarem ti alikamen a Pagbirok iti Parmasia iti daytoy a site. Mabalinmo nga awagan ti Dagiti Serbisio ti Miembro para iti listaan dagiti parmasia nga asideg kenka.

Nasken a saanka a pulos a makiddaw nga agbayad kadagiti agasmo. Tawagan a dagus ti Dagiti Serbisio ti Miembro no mapasamak daytoy. Tulongandaka a mangala kadagiti agas a kasapulam.

Mabalin a ma-access dagiti miembromi ti adu nga espesial a serbisio ken programa. Nailista dagiti detalye iti libro ti miembrotayo. Adda ditoy ti sumagmamano kadagiti banag nga idiay-diayami:

• Farmbox: Alaen dagiti kappurus a prutas ken nateng babaen iti koreo.
• Programa ti kinakaradkad: Agehersisio a libre iti adu a sentro ti kinakaradkad iti intero nga estado, wenno pilien ti agehersisio online.
• Konseho ti HERO: Sika ti bannuarmi, ken napateg ti timekmo. Makagun-od dagiti miembro iti kard ti sagut, mangabak kadagiti premio, ken adu pay no pasetda iti daytoy a napateg a komite. 
• Indiana Quitline: Isardeng itan ti panagusar kadagiti produkto a tabako. Idiaya ti Estado ti Indiana ti Indiana Quitline iti 1-800-QUIT-NOW (1-800-784-8669). Mabalinmo met nga i-text ti READY iti 34191 wenno bisitaem ti QuitNowIndiana.com tapno makarehistro para kadagiti libre a suplay ken serbisio.
• Legal a tulong: Ikonektarmi dagiti tattao kadagiti pammataudan para kadagiti libre a serbisio no kasapulan.
• Dagiti gungguna ti miembro: Gun-odem dagiti gunggona iti pannakikonektam kadakami ken panangaramidmo kadagiti nasalun-at a pili. No makagun-odka iti gunggona, masapulmo ti agpili iti maysa a banag manipud iti katalogomi iti gunggona dagiti miembro. 
• NurseLine: Tawagan ti nars para iti balakad 24/7.
• Postbook: Ti Postbook ket mangparparnuay iti naun-uneg a relasion iti kabagian wenno gayyem. Piliem ti Postbook pal-mo, ken ibingaymo dagiti post card a naibatay kadagiti kapanunotan iti journal. Iramanmi ti selyo ken dagiti suplay.
• Suporta ti panaginana: No makaalaka iti napaut a tulong manipud iti maysa a gayyem wenno miembro ti pamilia, mangidiayakami ti naisingsingayan a programa a mangsuporta kadakuada.
• Panangtaripato iti Bukod a Bagi nga app: Daytoy ket maysa a mobile app iti salun-at ken pagimbagan. Mangala kadagiti alikamen a makatulong iti stress, panagdanag, ken panagsaranget. Libre daytoy kadagiti miembro ken kadagiti tumultulong kadakuada.
• Smartphone: Agaplay iti mybenefitphone.com ken makagun-odka ti libre nga smartphone nga addaan iti AWAN LIMITASIONNA a tawag, text, ken data. Daytoy a telepono ket addaan kadagiti naka-preload nga app ti UnitedHealthcare ken uray kadagiti nalatak nga app a kas iti YouTube ken WhatsApp Messaging. 
• Transportasion: Mangidiayakami ti nadumaduma a pagpilian iti transportasion. Kairamanan daytoy dagiti panagbiahe a mapan iti gym, panagbiahe a mapan iti bangko ti taraon, panagala iti groseria, panaglugan para kadagiti saan a medikal nga appointment, wenno panagdagas iti parmasia kalpasan ti panagbisita iti tagaipaay iti serbisio.
• Birtual a sentro ti komunidad: Saan pay pulos a naladaw a sursuruen no kasano a tagiragsaken ti internet. Espesial daytoy a website nga adu ti maidiayana. Mangidiayada kadagiti live a klase para kadagiti nataengan a natataeng, nga idauluan dagiti nataengan a natataeng met. 
• Dagiti birtual a panagbisita: Adda birtual a dentista wenno birtual a tagaipaay iti serbisio a sidadaan iti 24 nga oras iti inaldaw, 7 nga aldaw iti linawas. 

Maaddaankanto iti ID kard ti miembro. Makitam ditoy ti 12 a digit a numero a ti murdongna ket 99. Daytoy ti numero ti ID nga indutok kenka ti Estado ti Indiana. Nu awan ti ID kardmo kas miembro maidawat a tawagan ti Dagiti Serbisio ti Miembro. Patulodandaka iti baro a kard. 

Wen! Mabalinmo a bisitaen ti Google wenno Apple App store manipud iti smartphone-mo. I-download ti UnitedHealthcare Mobile App. Addaan met daytoy iti digital nga ID kard tapno kanayon a tugotmo daytoy. Makitam met dagiti tunton ken panag-access ii taripato. Adda NurseLine ken Doctor Chat nga app-mi a sidadaan iti 24 oras iti inaldaw, 7 aldaw iti makalawas.

Adu dagiti libre ken pribado a pagpilian para kadagiti email account. Ti dua a kalatakan ket ti Yahoo ken Gmail. Nailista dagita a bilin iti baba. Masapul ti tulong? Tawagan ti Dagiti Serbisio iti Miembro iti numero a naipakita iti likod ti ID kardmo. Matulongandakayo a mangiset-up iti account.

Tapno maka-sign up iti Yahoo mail account:

• Bisitaem ti panid ti panagaramid iti account (i-link ti “panid ti panagaramid iti account” iti: https://login.yahoo.com/account/create)
• Isuratmo ti naan-anay a naganmo, ti kayatmo nga email address ken password, ken ti tawen ti pannakayanakmo.
• Pindutem ti Agtuloy ken surotem dagiti agparang a bilin tapno malpasmo ti panangi-set up iti account-mo

Tapno makaaramid iti Gmail account, bisitaen ti https://accounts.google.com/signup. Manipud sadiay:

• Ikabilmo ti nagan ken apelyidom.
• I-type mo ti napilim nga username. Daytoyto ti umuna a paset ti email address-mo (ti paset a sakbay ti @gmail.com).
• Isuratmo ti password-mo, sa i-type-mo manen iti kahon ti Kompirmasion. Masapul a saan a kumurang iti 8 a karakter ti kaatiddog ti password-mo ken naglaon iti naglalaok a letra, numero, ken dadduma pay a simbolo.
• Pindutem ti Sumaruno.
• No kayatmo, ikabilmo ti pangbawi nga email address ken numero ti telepono no bilang ta mai-lock out-ka iti baro nga email address-mo. Opsional dagitoy nga addang.
• Ikabilmo ti petsa ti pannakayanak ken seksmo.
• Pindutem ti Sumaruno manen.
• Repasuem dagiti kondision ken serbisio ken pindutem ti Umanamongak. Tagiragsakem ti baro a libre a Gmail account-mo!