Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Attention TennCare and CoverKids members:
Renewals are starting soon. Don't risk a gap in your health insurance! Verify your contact information with TennCare. You can do this online or by phone 1-855-259-0701.
Tennessee, sikamin ti mangamong kenka
Awan wenno nababa ti bayadan a masakupan iti salun-at manipud iti Plano iti Komunidad ti UnitedHealthcare. Ammoen ti maipapan kadagiti Medicaid a plano iti salun-at ti UnitedHealthcare nga idiayami iti Tennessee.
Ti panangtulong kadagiti tattao ti sentro ti amin nga ar-aramidenmi
Maikari dagiti amin a Tennessean iti nalaka a taripato ti salun-at, karamankan. Iti Plano iti Komunidad ti UnitedHealthcare, tultulunganmi dagiti tattao nga agbiag a nasalsalun-at.
Idiayami ti adu a plano tapno matulongan dagiti residente ti Tennessee a sumalun-at – ken agtalinaed a nasalun-at. Sakupenmi dagiti nataengan, dagiti tattao nga addaan kadagiti disabilidad, dagiti ngannganin aganak nga inna ken dagiti ubbing iti Tennessee babaen kadagiti planomi iti TennCare Medicaid.
Kitaem nu apay a pilpilien dagiti Tennessean ti UnitedHealthcare
Aniaman a plano a piliem, tulungannaka ti UnitedHealthcare a mangala iti taripato a kasapulam.
- Dakkel a nadumaduma a network dagiti tagaipaay iti serbisio
- Dagiti nababa wenno awan bayadna a naireseta nga agas
- Dagiti panagbisita ti nasalun-at, rutina a bakuna
- Dagiti serbisio iti ngipen ken panagkita
- Transportasion a mapan kadagiti medikal nga apointment
Buyaen ti bideo ayan ti kannawan tapno maammoan iti ad-adu pay maipapan iti Plano iti Komunidad ti UnitedHealthcare iti Tennessee.
Tennessee a plano iti salun-at a kababa iti inggana $0 a gatad
Dagiti TN Medicaid a Plano:
- Awan wenno nalaka ti bayadna
- Dagiti masikog ken ubbing
- Dagiti nababa ti kitana nga indibidual ken pamilia
- Taripato para iti nakaradkad ken agsakit
Dagiti Doble a Plano kadagiti Espesial a Kasapulan ti TN:
- Kadagiti kwalipikado para iti agpada a Medicaid ken Medicare
- Ad-adu a benepisyo ngem iti Original Medicare
- Benepisio a Nasalun-at a Taraon
- Masakupan ti seguro para iti dereseta nga agas
- Masakupan ti seguro para iti ngipen
Dagiti Karaman a Programa
Medicaid: Ad-adu pay para kenka iti 2023
Idiaya ti planomi iti TennCare Medicaid ti adu a benepisio. Dagiti ubbing, masikog, nataengan ken tattao a natataeng wenno addaan iti disabilidad ket mabalin a kualipikado maibasar iti kita. Kitaen dagiti benepisio dita baba tapno makita dagiti amin nga idiaya ti TN TennCare Medicaid a plano.
Daytoy a plano ket sidadaan sadinoman ti pagnanaedam iti Tennessee.
Alaem dagiti bambanag a kas iti:
- Taripato para iti nakaradkad ken agsakit
- Taripato iti panagsikog
- Taripato para kadagiti kondision
- Masakupan iti panagkita
- Masakupan ti seguro para iti ngipen
- Pannakasaklaw iti panagdengngeg
- Ken adu pay babaen iti UnitedHealthcare Community Plan ti Tennessee
CoverKids
Ti Tennessee CoverKids ket mangipapaay iti libre, komprehensibo a pannakasaklaw iti salun-at para kadagiti kualipikado nga ubbing nga agtawen iti 18 ken ub-ubing ken dagiti masikog. Saklawenna dagiti serbisio iti salun-at a panglapped iti sakit, dagiti panagbisita kadagiti doktor, dagiti panagbisita iti ospital, dagiti panagbakuna, dagiti panagbisita ti nakaradkad nga ubing, dagiti panagsukimat iti panagdakkel, salun-at ti panunot ken dagiti masikog ket makaala iti taripato bayat ti panagsikog, panaganak, kalpasan ti panaganak. Makaala met dagiti ubbing iti taripato iti panagkita ken ngipen.
Dual Special Needs Plans in 2023
Makaala dagiti Tennessean iti adu a benepisio iti Doble a Plano ti UnitedHealthcare Kadagiti Espesial a Kasapulan a nalablabes ngem dagiti maalam iti aniaman iti Original Medicare wenno Tennessee Medicaid.
Nga agraman ti:
- A monthly credit to buy healthy food and OTC products or pay utility bills
- $0 copay iti nasakupan a generic ken nagan ti brand a reseta pakairamanan ti panagipatulod iti pagtaengan
- An allowance for covered types of preventive and comprehensive dental
Umno a kababalin
Ti Salun-at ti Tig-tignay ket napateg kas iti salun-at a pisikal. Dayta nu apay nga agpada ti panangsaklawmi iti agpada.
Ti kasapulan a taripato ket 100% a masakupan nga awan ti copay. Mairaman ditoy ti:
- Panangagas iti salun-at ti panunot
- Panangagas iti panagusar iti substansia
- Dagiti agas
Taripato para iti nakaradkad ken agsakit
Alaen ti taripato a kasapulam tapno agtalinaedka a nasalun-at — wenno sumalun-at nu sika ket nadunor wenno agsaksakit. Makaala met dagiti masikog nga inna iti kanayonan a suporta tapno agtalinaedka ken ti maladagam a nasalun-at. Dagiti benepisyo ti kameng ket iramanna:
- Dagiti panagbisita ti nakaradkad — Dagiti panageksamen, panagbakuna ken panagsubok iti laboratorio a panglapped iti sakit
- Healthy First Steps® — Maysa a programa a tumulong kenka ken iti maladagam nga agtalinaed a nasalun-at
- 24-oras a NurseLine — Makisarita iti rehistrado a nars 24/7
- Dagiti Iniksion ken Bakuna — Dagiti rutina a panagbakuna ket makatulong a mangsalaknib manipud kadagiti sakit
- Panagsubok — Masakupan dagiti panageksamen iti laboratorio ken dagiti x-ray
Taripato iti panagsikog
Awan ti napatpateg ngem nu di ti salun-at ken karadkadyo nga agina. Dayta ti rason a karaman kadagiti benepisio ti planomi a TennCare Medicaid ti:
- Kayat a doktor — Agbirok iti OB/GYN a mapagtalkam iti uneg ti network-mi
- Dagiti panagbisita bayat ti panagsikog — Taripato para kenka sakbay a maiyanak ti maladagam
- Healthy First Steps® — Mangala iti kanayonan a suporta ken gungguna tapno agtalinaedka ken ti maladagam a nasalun-at
- Dagiti kayat a sentro ti paganakan — Agpili kadagiti ospital iti entero a Tennessee
- Wellhop para iti Ina ken Maladaga — Makikonekta iti komunidad dagiti inna tapno makaala iti suporta ken impormasion kas pasangbayem ti maladagam
Taripato iti panagkita, ngipen ken panagdengngeg
Siguradoem nga adda iti kasayaatan a galad ti panagkita, ngipen ken panagdengngegmo. Dagiti benepisyo ket kairamanan ti:
Panagkita: Masaklaw nga addaan kadagiti limitasion, saan a masaklaw para kadagiti masikog nga agtawen iti 19 ken natataeng pay
Para kadagiti ubbing nga awan pay edadna a 19, dagiti serbisio iti panagkita ket limitado iti:
- 1 a panageksamen iti panagkita (kairamanan iti refraktibo a panageksamen ken panageksamen iti glaucoma) tunggal tawen ti kalendario
- 1 set dagiti lente (kairamanan ti bi-focal, tri-focal, kdp.) tunggal tawen ti kalendario
- 1 set dagiti frame ti antiokos tunggal 2 a tawen ti kalendario
Para kadagiti masikog nga agtawen 19 ken natataeng pay, dagiti serbisio iti panagkita ket limitado iti:
- Medikal a panangtingiting ken panangimaton kadagiti saan a normal a kasasaad ken diperensia iti mata
- Ti umuna a pares dagiti sarming ti katarata wenno contact lens/lenses kalpasan ti operasion iti katarata ken masaklaw
Ngipen: Para kadagiti ubbing nga awan pay edadna a 19laeng, saan a masaklaw para kadagiti masikog nga agtawen 19 ken natataeng pay
Panagdengngeg: Tinawen a panangeksamen iti panagdengngeg, dagiti hearing aid ket limitado iti 1 tunggal lapayag tunggal tawen ti kalendario agingga iti edad 5, ken 1 tunggal lapayag tunggal 2 a tawen kalpasanna
Dagiti programa ti TennCare Long-Term Services and Supports (LTSS)
TennCare CHOICES kadagiti Napaut a Serbisio ken Suporta (wenno CHOICES iti ababa) ket para kadagiti nataengan nga agtawen iti 21 ken natataeng pay nga addaan iti pisikal a disabilidad ken nataengen nga edad 65 ken natataeng pay.
Idiaya ti CHOICES dagiti serbisio a makatulong iti tao nga agbiag iti bukodda a pagtaengan wenno iti komunidad. Maaw-awagan dagitoy a serbisio a Dagiti Serbisio a Nakabasar iti Pagtaengan ken Komunidad wenno Home and Community Based Services wenno HCBS. Dagitoy a serbisio ket mabalin a maipaay iti pagtaengan, iti trabaho wenno iti komunidad. Makatulongda kadagiti aktibidad ti inaldaw a panagbiag ken palubosanda dagiti tattao nga agtrabaho ken aktibo a makipaset iti lokal a komunidadda. Mangipaay met ti CHOICES iti taripato iti pagaywanan a pagtaengan nu kasapulan.
Nu pagarupem a kasapulam dagiti napaut a serbisio ken suporta, tawagannakami iti 1-800-690-1606. Mabalin nga usarenmi ti ababa a panagsukimat a maaramid babaen iti telepono tapno makatulong iti panagdesision nu mabalinka a kualipikado para iti CHOICES. Nu ipakita ti panagsukimat a kasla saanka a kualipikado para iti CHOICES, makaawatka iti surat a mangibaga nu kasanom a maileppas ti panagaplay iti CHOICES.
Ti Employment and Community First CHOICES (ECF CHOICES) ket para kadagiti tattao uray ania ti tawenda nga addaan kadagiti disabilidad iti panunot ken panagdakkel tapno makapagbiag ken rumampayagda iti bukodda a komunidad.
Idiaya ti ECF CHOICES dagiti serbisio a makatulong kadagiti tattao nga agbiag ken rumampayag iti bukodda a komunidad iti mabalin a kinaindependiente. Makatulong dagitoy nga HCBS kadagiti aktibidad iti inaldaw a panagbiag, kadagiti suporta iti panagtrabaho ken panagsanay iti kabaelan para iti kinaindependiente. Idiaya met ti ECF CHOICES dagiti serbisio a makatulong kadagiti tattao nga addaan iti kumplikado a kasapulan a suporta iti medikal wenno kababalin ken dagiti pamilia a mangay-aywan kadagiti ay-ayatenda.
Nu pagarupem a kasapulam dagiti napaut a serbisio ken suporta ken kayatmo ti agaplay para iti Programa nga ECF CHOICES, mabalinmo nga i-refer ta bukodmo wenno ti ay-ayatem iti biag ditoy
Ammoen dagiti klase ti plano
Dagiti Plano ti Medicaid
Ti TN Medicaid (TennCare) ket maysa a seguro ti salun-at para kadagiti tattao nga addaan iti nababa a kita. Mabalinka a makaalaka iti Medicaid iti Tennessee no masikogka, addaan annak wenno agbibiag nga addaan disabilidad. Idi dadduma a kaso, mabalin a lehitimo dagiti dadduma a nataengan. Ti babayadam ket nababa ken maibasar iti kabaelam nga agbayad. Importante a maammoam nga agduduma dagiti pagannurotan ken masakupan ti Medicaid kadagiti agduduma nga estado.
Ti Dual Special Needs Plan (DSNP)
Dagiti Doble a Plano para Kadagiti Espesial a Kasapulan (maaw-awagan pay kas dagiti doble a plano iti salun-at wenno dagiti D-SNP iti ababa) ket para kadagiti tattao a mangal-ala iti agpada a Medicaid ken Medicare. Sakupen dagitoy doble a plano dagiti panagbisita iti doktor, pannaka-ospital ken dagiti naireseta nga agas. Idiayana ti ad-adu a benepisyo ken banbanag ngem iti orihinal a Medicare. Mapagtalinaedmo met dagiti amin a benepisiom iti TennCare Tennessee Medicaid.
Attention TennCare and CoverKids Members
Renewals are starting soon. Don't risk a gap in your health insurance! Verify your contact information with TennCare. You can do this online or by phone 1-855-259-0701.