Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
5 kadagiti kangrunaan a banag a masapul nga ammom no agpilpilika iti doble a plano iti salun-at?
Naipakdaar: January 17, 2020
Petsa ti kaudian a pannakapabaro: December 06, 2022
Makariro dagiti sasao para iti salun-at ken seguro ti salun-at. Ngem no addaanka iti agpada a Medicaid ken Medicare, nakarkaro manen. Iti UnitedHealthcare, ti kari a palakaen dagiti bambanag ti giyami kadagiti iti amin nga ar-aramidenmi. Iti daytoy nga artikulo, kayatmi a palakaen a maawatan ti sumagmamano a napapateg a punto maipapan kadagiti doble a plano iti salun-at.
Alaem ti libre a giya iti doble a plano
Amin a masapul nga ammuem maipapan kadagiti Doble a Plano ti Naisangsangayan a Kasapulan iti maysa, kombeniente a giya.
1. Ania ti kayat a sawen ti “dual” ken “dual-eligible”
Ti doble ket kapadpada met laeng ti sao nga “dua” weno “agpada.” Iti kaso dagiti doble a plano iti salun-at, kayat a sawen ti doble a dagitoy a plano ket para kadagiti tattao nga addaan agpada iti Medicaid ken Medicare. Ti “doble’t-pakaikarianna” ket sao a mangiladawan kadagiti tattao a maikari, wenno kualipikado, a makaawat kadagiti benepisio agpada iti Medicaid ken Medicare. Dagitoy a tattao ket maaw-awagan met kas “doble’t-pakaikarianda.”
2. Doble a plano iti salun-at wenno Doble a Plano para kadagiti Nasingsingayan a Kasapulan? Ania ti pagdumaanda?
Zip: Siro. Nada. Awan ti pagdumaanda. Usarem man ti doble a plano, doble a plano iti salun-at, Doble a Plano para kadagiti Nasingsingayan a Kasapulan wenno uray ti ababa nga DSNP, agpapada ti kaipapanan amin dagitoy a termino. Iladawanda ti kita ti plano ti salun-at a nairanta a nadisenio tapno masabetda dagiti kasapulan dagiti tattao nga addaan agpada iti Medicaid ken Medicare.
3. Pagtiponen kadi ti doble a plano ti salun-at ti Medicaid ken Medicare iti maymaysa a plano?
Makariro daytoy iti adu a tattao, ngem ti sungbat ket saan. Saan a sukatan ti dua a plano ti salun-at ti planom iti Medicaid. Mapagtalinaedmo ti planom iti Medicaid, ken maalam latta met amin a benepisio iti Medicaid a maaw-awatmo ita. Ti doble a plano iti salun-at ket maysa a kita ti plano ti Medicare Advantage. Sukatannanto ti agdama a planom iti Medicare. Ken, iramanna ti saklaw para iti naireseta nga agas ken adu pay a sabali a benepisio ken pakausaran a saanmo a maala iti Original Medicare.* Para iti ad-adu pay a detalye, kitaen ti "Mapukawko Kadi Dagiti Benepisiok iti Medicaid?" nga artikulo.
4. Kaanoka a mabalin nga agpalista iti doble a plano iti salun-at?
Adda dagiti pagalagadan a mangkontrol nu kaanoka a makapalista iti doble a plano iti salun-at. Inton damo nga agbalinka a kualipikado para iti Medicare, maaddaanka iti Pakauna a Panawen ti Panagpalista (IEP). Ti bukodmo nga IEP ket ti 7 a bulan a panawen a:
- Mangrugi 3 a bulan sakbay ti bulan nga agbalinka a 65
- Iramanna ti bulan a panagbalinmo a 65
- Aglippas iti 3 a bulan kalpasan ti bulan a panagbalinmo a 65
Nu addaanka iti pangkualipika a pasamak iti biag, mabalinmo ti agpalista babaen iti panangusar iti Panawen ti Espesial a Panagpalista (SEP). Ti panangiyakar wenno pannakapukaw iti sakupmo iti seguro ket banag laeng nga 2 pangarigan dagiti pangkualipika a pasamak iti biag. Ngem ti tiempo a masapulmo ti agpalista ket mabalin a naiduma depende iti rason para iti bukodmo a SEP.
Adda met laeng ti Tinawen a Panawen ti Panagpalista ti Medicare (AEP). Maaramid ti AEP manipud Oktubre 15 agingga Disiembre 7 tunggal tawen. Siasinoman a maikari ket mabalin nga agpalista wenno iyakar ti planoda iti Medicare bayat ti AEP. Mairaman ditoy no kayatmo ti umakar manipud iti Original Medicare laeng agturong iti doble a plano iti salun-at.
Apaman nga agpalistaka, saanmo a masapul ti agpabaro iti doble a plano iti salun-at. No la ketdi agtalinaedka a maikari, awtomatiko a mapabaro ti doble a planom ti salun-at iti tunggal tawen. Ngem masapulmo ti agpa-recertify a tinawen para iti Medicaid tapno agtalinaedka a kualipikado para iti doble a plano ti salun-at.
5. Sadino met ti sumrekan ti UnitedHealthcare Dual Complete®?
Ti “Dual Complete” ti nagan a brand para kadagiti doble a plano iti salun-at nga idiaydiaya ti UnitedHealthcare. Ad-adu a tattao ti mangpili iti UnitedHealthcare para iti Doble a Plano para kadagiti Nasingsingayan a Kasapulan ngem iti aniaman a sabali pay a kompania.1Usarem ti nasurok a 45 a tawen a kapadasan ti UnitedHealthcare tapno agtrabaho para kenka.
Saanmo a makita ti birbirokem?
Ti UnitedHealthcare ket addaan iti libre nga online a listaan ti rinibo a medikal a sasao ken dagiti kayat a sawen dagitoy. Maawa-wagan daytoy nga Just Plain Clear ken awanen ti dakdakkel pay ngem iti glosariona.
TIP: Inayon ti link iti listaan dagiti paboritom tapno nalakam a masarakan ti library iti aniaman nga oras a kasapulam daytoy iti masakbayan.
*Dagiti benepisio, dagiti feature ken/wenno dagiti device ket agbaliwbaliw depende iti plano/lugar. Mabalin a maipakat dagiti limitasion ken/wenno dagiti maiparit iti network.
1Maibasar iti naan-anay a panagpalista iti plano ti D-SNP manipud iti Datos iti Panagpalista ti CMS, Mayo 2023
Kitaen dagiti plano ti UnitedHealthcare iti lugarmo
Mabalin ang agbaliw dagiti benepisio ti Doble a maikari wenno Medicaid a plano depende iti pagnanaedam. Agbirok babaen ti ZIP code-mo tapno makasarakka iti umno a plano a mangpennek kadagiti kasapulam iti panangtaripato iti salun-at.