Dagiti tattao nga agpada a kualipikado iti Medicare ken Medicaid nga aggigiddan ket “dual a kualipikado.” "Dual a kualipikado" dagitoy para iti agpada a programa ti panangtaripato iti salun-at.

Ti Dual a Plano ti Naisangsangayan a Kasapulan (D-SNP) ket maysa a klase ti plano ti seguro ti salun-at. Daytoy ket para kadagiti tattao nga addaan agpada iti Medicaid ken Medicare. No sika dayta, "dual a kualipikadoka." (Sabali laeng dayta a wagas ti panangibaga a mabalinka nga makaala iti Medicaid ken Medicare nga aggigiddan).

Ammuem ti ad-adu pay maipapan kadagiti Dual a Plano ti Naisangsangayan a Kasapulan ti UnitedHealthcare

Ti Medicare ket programa ti seguro ti salun-at iti pagilian nga imatmatonan ti gobierno pederal. Daytoy ket para kadagiti tattao nga agtawen iti 65 ken natataengan, ken kadagiti sumagmamano a tattao nga agtawen iti nababbaba ngem 65 nga addaan kadagiti sumagmamano a disabilidadda.

Ammoen ti ad-adu pay maipanggep iti Medicare.

Ti Medicare ket programa ti seguro ti salun-at iti pagilian nga imatmatonan ti gobierno pederal. Daytoy ket para kadagiti tattao nga agtawen iti 65 ken nangatngato, ken kasta met ti sumagmamano a tattao nga agtawen iti nababbaba ngem 65 nga addaan kadagiti sumagmamano a disabilidad. Ti Medicaid ket maysa a nagtitipon a programa a ponpondoan dagiti estado ken ti pederal a gobierno. Minilion a tattao ti makagun-od iti pannakasakup ti salun-at babaen ti programada a Medicaid ti estado. Dagiti ubbing, masikog a babbai, babbaket ken lallakay a nataengan ken tattao nga addaan iti kinabaldado, kasta met dagiti maikari a nababa ti matgedanda a natataengan ket kadawyan a sakupen ti Medicaid.

Ammuem ti ad-adu pay maipapan iti Medicaid vs. Medicare

Wen. Umaw-awat dagiti dadduma a tattao kadagiti benepisio a manipud nga agpada iti Medicare ken Medicaid. Dagitoy a tattao ket "dual a kualipikado." Kualipikadoda iti Medicare gapu iti edad (edad 65 wenno natataengan) wenno gapu iti kaadda ti disabilidadda. Maikarida met laeng iti Medicaid gapu ta makasangpetda kadagiti kasapulan tapno makaikualipikada iti Medicaid iti estadoda.

Tapno makita dagiti plano a magun-od iti lugaryo, maidawat nga usarenyo ti kahon ti panagbirok iti baba daytoy a panid.

Ti Medicare ken Medicaid ket dua nga agsina a programa nga addaan iti agduduma a kasapulan tapno makualipikar.

Tapno makualipikar para iti Medicare, masapul a dakayo ket:

• Agtawen iti saan a nababbaba ngem 65 a tawen, wenno agtawen kayo iti nababbaba ngem 65 ken kualipikadokayo maibasar iti disabilidad wenno sabali a naisangsangayan a situasion.

KEN

• Umili iti U.S. wenno legal a residente nga agnanaed iti U.S. iti uneg ti saan a nababbaba ngem 5 nga agsasaruno a tawen.

Tapno makualipikar para kadagiti benepisio ti Medicaid ti estado, masapul a sika ket:

• Agtawen iti nababbaba ngem 65 ken matun-oyanyo dagiti kasapulan para kadagiti nababa ti matgedanda a pamilya, masikog a babbai ken ubbing, indibidual nga umaw-awat iti Supplemental Security Income (SSI), addaan disabilidad wenno sabali a naisangsangayan a situasion.
• Agtawen iti saan a nababbaba ngem 65 ken dakayo ket:
  • Umaw-awat iti Nayon a Tulong wenno tulong manipud iti estadoyo.
  • Bulsek wenno addaan iti disabilidad, ngem saanyo a masapul ti pannakataripato a nabayag.

Masansan a saklawen dagiti programa ti Medicaid dagiti benepisio a saan nga idiaya ti Medicare. Dagiti pagarigan ket mabalin a kairamanan ti sakup ti ngipen, panagkita ken panagdengngeg, tulong iti transportasion ken napaut a pannakaaywan. Ti panagbayad kadagiti sumagmamano a gastos ti Medicare ket sabali pay a wagas a makatulong dagiti programa ti Medicaid iti Medicare.

Ti pakabuklan a panggep ket para iti Medicaid ken Medicare nga agpada nga agtinnulong tapno mapasayaat ti panangaywan ken mapababa ti gastos. Responsibilidad ti Opisina ti Koordinasion ti Medicare-Medicaid a siguraduen a dagiti tattao a doble ti pannakailistada nga agpadpada iti Medicare ken Medicaid ket naan-anay a makagun-od iti awan pagkuranganna, nangato ti kalidadna a panangtaripato iti salun-at. Ti Opisina ti Koordinasion ti Medicare-Medicaid ket naparsua iti uneg dagiti Sentro para kadagiti Serbisio ti Medicare ken Medicaid (Centers for Medicare & Medicaid Services, CMS) kas paset ti Affordable Care Act.

Idiaya dagiti dual plan a seguro ti salun-at dagiti benepisio ken serbisio a saan a kadawyan a maala babaen iti Medicare wenno Medicaid. Babaen ti dual a plano ti salun-at, pagtalinaedem dagiti benepisiom iti Medicaid, ken ad-adu ti magun-odmo a benepisio ngem ti Original Medicare nga addaan iti nababa a premium ti planona kas iti $0. Dagiti doble a plano iti salun-at ti UnitedHealthcare ket kaibilangan ti adu kanayonan a benepisio ken feature.¹

Mabalin a sakupen dagiti planoyo ti:

• Kadawyan a panangtaripato iti ngipen
• CA a nalaka a maibagay a binulan a kredito tapno gastuen iti makapasalun-at a taraon, over-the-counter a produkto ken dagiti bayad ti utility
• Pannakaeksamen ti mata, ken kredito para iti anteohos
• Pannakaeksamen ti panagdengngeg, ken kredito para kadagiti hearing device
• Ken adu pay

¹Dagiti benepisio, dagiti feature ken/wenno dagiti aparato ket agbaliwbaliw depende iti plano/lugar. Agaplikar dagiti limitasion ken dagiti eksklusion.

Iraman pay dagiti sumagmamano a dual health plan ti pannakaurnos ti panangtaripato. Dakkel a tulong dayta — aglalo para kadagiti tattao nga addaan iti agduduma a medikal a kasapulan. Palakaenna ti panangimaton kadagiti doktoryo, espesyalista ken serbisio a panangtaripato.

Maidawat a laglagipen a dagiti doble a plano nga idiaya ti UnitedHealthcare, ken dagiti partikular a benepisio nga iramanda, ket mabalin nga agbaliw depende no sadino ti pagnanaedam. Para kadagiti detalye maipapan kadagiti dual a plano a magun-od iti lugaryo, maidawat nga usarenyo ti kahon ti panagbirok iti baba daytoy a panid.

1. Umaw-awatkayo kadi iti benepisio ti Medicaid ti estado? (No kasta, maaddaanka iti kard ti Medicaid ti estado.)

Agtawenkayo iti nababbaba ngem 65 ken matun-oyanyo dagiti kasapulan para kadagiti nababa ti matgedanda a pamilia, masikog a babbai ken ubbing, indibidual nga umaw-awat iti Supplemental Security Income (SSI), addaan disabilidad wenno sabali a naisangsangayan a situasion.

• Agtawenkayo iti saan a nababbaba ngem 65 ken dakayo ket:
• Umaw-awat iti Nayon a Tulong wenno tulong manipud iti estadoyo
• Bulsek wenno addaan iti disabilidad, ngem saan nga agkasapulan iti napaut a pannakataripato

2. Addaanka kadi dagiti Medicare nga Paset A ken B?

• Di kumurang a 65 tawen ti tawenmo, wenno haan ka pay nga agtawen ti 65 ken kualipikadoka maibatay iti disabilidad wenno dadduma pay nga espesial a kasasaad
  KEN
• Sika ket umili iti U.S. wenno legal a residente nga agnanaed iti U.S. iti uneg ti saan a nababbaba ngem 5 nga agsasaruno a tawen

3. Agnanaedkayo kadi iti lugar nga adda dagiti dual plan?

Maibaga kadakayo dagiti lisensiado a sales agent ti UnitedHealthcare no agnanaedkayo iti lugar ti serbisomi. Wenno, tapno makita dagiti plano a sidadaan iti lugaryo, maidawat nga usarenyo ti kahon ti panagbirok iti baba daytoy a panid.

Dagiti Dual a Plano ti Naisangsangayan a Kasapulan (D-SNP) ket addaan iti agtultuloy nga Special Enrollment Period (SEP), nga agpaut kadagiti umuna a 9 bulan ti tawen. Dagiti tattao a kwalipikado ket mabalin nga agpalista wenno agsukat kadagiti plano iti maminsan tunggal 3 a bulan. Dagiti panagbaliw iti panagpalista ket epektibo iti umuna nga aldaw ti sumaruno a bulan.

LAGLAGIPEN: Napateg a laglagipen a tapno agtalinaed a kalipikado para iti doble a plano iti salun-at, kasapulam nga agpasertipika ulit para iti Medicaid tunggal tawen. No la ketdi agtalinaedka a maikari, awtomatiko a mapabaro ti doble a planom ti salun-at iti tunggal tawen. Ammuen ti ad-adu pay maipapan iti panagpalista iti D-SNP..

Dagiti kameng kadagiti Dual a Plano ti Naisangsangayan a Kasapulan (D-SNP) ket mabalinda ti makikadua, umakar wenno agikkat iti planoda iti 1 a daras bayat ti tunggal 3-bulan a panawen ti panagpalista. Dagitoy a panawen ket Enero agingga Marso; Abril agingga Hunio; ken Hulio agingga Septiembre.

No agaramidka ti panagbaliw, agbalin daytoy iti umuna nga aldaw ti sumaruno a bulan. Mabalinmo met ti agaramid kadagiti panagbaliw tii masakupam bayat ti Panawen ti Tinawen a Panagpalista manipud ti Okt. 15 agingga Dis. 7. No kasta, agbalin dagiti binaliwam inton Ene. 1 ti sumaruno a tawen. Ammuem ti ad-adu pay maipapan kadagiti panawen ti panagpalista iti dual a plano ti salun-at.

No nakalistakayo iti maysa a UnitedHealthcare dual plan ken mapukawyo ti kualipikasionyo para iti Medicaid, pagurayendakayto iti 6 a bulan. Kabayatan daytoy a tiempo, masapul a bayadanyonto ti paset ti cost-sharing iti Medicare kas koma dagiti copayment, coinsurance, deductible ken bayad iti seguro. No diyo mapasubli ti kualipikasionyo iti Medicaid iti panagturpos ti 6 a bulan, maikkatkayto iti listaan ti dual planmi.

Ngem laglagipenyo, mabalinyo ti agpalista iti dual plan iti aniaman nga oras. No mapasubliyo ti masakupan ti seguro yo iti Medicaid, makisao laeng kadagiti lisensiado a sales agent ti UnitedHealthcare tapno agpalista manen iti dual plan.

Wen. Ti panagpalista para kadagiti Dual a Plano ti Naisangsangayan a Kasapulan (D-SNP) ket naibatay iti estado. Dagiti D-SNP ket maidiaydiaya iti kaadduan nga estado, ngem saan nga iti amin nga estado. Maysa pay, dagiti klase dagiti D-SNP a sidadaan (ken dagiti benepisio nga ipaay ti tunggal plano) ket mabalin nga agbaliw depende iti county a pagnanaedam. Mabalinmo nga usaren ti kahon ti panagbirok iti baba ti panid tapno makitam no ania dagiti plano a sidadaan iti lugarmo. No saanka a sigurado, tawagannakami ken makisaritaka iti maysa kadagiti lisensiado nga ahentemi. Ilawlawagda amin a pagpilian ken tulongandaka a mangbirok iti umno a dual a kualipikado a plano ti salun-at para kenka.

Ti Tinawen a Panawen ti Panagpalista wenno ti Panawen ti Silulukat a Panagpalista para iti Medicare Advantage ken saklaw ti Medicare iti maireseta nga agas ket mangrugi manipud Oktubre 15 agingga iti Dis. 7 iti kada tawen. Ti siasinoman nga addaanen iti aniaman a klase ti masakupan iti Medicare ket mabalin nga agaramid kadagiti panagbaliw iti masakupanda para iti mapasungad a tawen. Ti Panawen ti Silulukat a Panagpalista iti Medicare Advantage ket mangrugi iti Enero 1 agingga iti Marso 31 iti kada tawen. Dagiti laeng tattao nga addaanen iti plano iti Medicare Advantage ti mabalin nga agbaliw bayat daytoy a panawen.

Gagangay a sakupen dagiti dual plan mi ti panangtaripato tapno maliklikan ti sakit ken dagiti kadawyan a serbisio nga awan ti kanayonan a bayadanyo. Idiayami pay ti tulong a panangurnos kadagiti benepisio iti Medicaid. Mairaman kadagiti kadawyan a benepisio a gagangay a sakupen dagiti dual planmi ti:

• Dental
• Panagkita
• Panagdengngeg
• Tulong iti transportasion
• Hotline ti nars
• Ken adu pay a sabali a benepisio ken feature¹

¹Dagiti benepisio, dagiti feature ken/wenno dagiti aparato ket agbaliwbaliw depende iti plano/lugar. Agaplikar dagiti limitasion ken dagiti eksklusion. Ammuem ti ad-adu pay maipapan kadagiti benepisio ti D-SNP.

Wen. Ti sakup para iti ngipen* ket maysa kadagiti adu nga ekstra a benepisio a mabalinmo a magun-od nga awan ti magastosmo babaen ti Dual a Plano ti Naisangsangayan a Kasapulan (D-SNP) manipud iti UnitedHealthcare. Malaksid kadagiti regular a panageksamen ken panagdalus, mabalin pay a makaalaka iti allowance para kadagiti serbisio iti ngipen. Daytoy nga allowance ket makatulong a mangbayad iti adu a klase ti panangtaripato iti ngipen, kas iti filling, root canal, implant ken dadduma pay a serbisio ti ngipen. Ammuem ti ad-adu pay maipapan iti sakup para iti ngipen ti D-SNP para kadagidiay addaan iti Medicaid ken Medicare-na.

*Agduma dagiti benepisio depende iti plano ken ti lugar ti serbisio. Agaplikar dagiti limitasion ken dagiti eksklusion.

Wen. Ti pannakasakup ti panagkita* ket maysa kadagiti adu nga ekstra a benepisio a mabalinmo a magun-od nga awan ti magastosmo babaen ti Dual a Plano ti Naisangsangayan a Kasapulan (D-SNP) manipud iti UnitedHealthcare. Malaksid kadagiti rutina a panageksamen iti mata, ti masakupam para iti panagkita ket mabalin pay a makaipaay kenka iti ginasun-gasut a doliar a kredito tapno makatulong iti panagbayad para iti antiokos. Mabalin nga adu ti maitulongna daytoy tapno mabayadam ti baro a pares ti antiokos wenno contact lens. Ammuem ti ad-adu pay maipapan iti pannakasakup ti panagkita ti D-SNP para kadagidiay addaan iti Medicaid ken Medicare-na.

*Agduma dagiti benepisio depende iti plano ken ti lugar ti serbisio. Agaplikar dagiti limitasion ken dagiti eksklusion.

No addaanka iti Dual a Plano ti Naisangsangayan a Kasapulan (D-SNP), nalabit a kaaduan kadagiti gastosmo ket masakupan para kenka. No makagun-od dagiti kameng ti Medicare iti medikal a pannakataripato, saan a saklawen ti Medicare ti naan-anay a gatad dagiti serbisio. Ti paset wenno bingay a nabati ket responsibilidad a bayadan ti miembro ti Medicare. Mabalin a pagaammo daytoy a kas premium, copay, coinsurance wenno maikissay. Dagiti programa ti estado a Medicaid ket tumulong a mangbayad kadagitoy a gasto para kadagiti tattao a nababa ti sapulna. Nu awananka ti Medicaid, ti apag-usto a baydam ket dumepende iti pilyem a plano.

Wen. Agsipud ta plano a Medicare Advantage ti D-SNP, sakupen ti Medicare ti kaadduan kadagiti gastos no mangala iti medikal a taripato dagiti miembro ti Medicare. Ti paset wenno bingay a mabati ket pagrebbengan ti miembro a bayadan. Mabalin a pagaammo daytoy a kas premium, copay, coinsurance wenno maikissay. Para kadagiti tattao nga adda iti D-SNP a plano, tumulong nga agbayad dagiti programa ti estado a Medicaid kadagitoy a gasto.  

Maipakat ti koordinasion dagiti benepisio (COB) kadagiti tattao nga addaan ti masakupan iti nasursurok ngem maysa a plano iti salun-at. Agbasar ti COB no ania a plano ti kangrunaan (umuna) nga agbayad ken no ania a plano ti maikadua nga agbayad. Ikoordinar ti kangrunaan nga agbayad ti pannakaited dagiti amin a benepisio iti plano ti salun-at. Saklawen ti sekondario nga agbayad ti saan a saklawen ti umuna nga agbayad kadagiti gastos ken benepisio.

Dagiti Dual a Plano ti Naisangsangayan a Kasapulan (D-SNP) ket maysa a klase ti plano ti Medicare Advantage. Gapu iti dayta, ikoordinar ti D-SNP ti pannakaited dagiti agpada a benepisio ti Medicare ken Medicaid. Iti kaaduan a kaso, saklawen ti Medicaid dagiti benepisio ken gastos a saan a saklawen ti D-SNP. Ikoordinar pay dagiti D-SNP ti pannakaimaton ti taripato, pannakaimaton ti sakit ken dagiti dadduma pay a serbisio.

Ti kayatna a sawen ti D-SNP ket Dual a Plano ti Naisangsangayan a Kasapulan. Dagitoy a plano ket para kadagiti tattao a nababa ti sapulna a doble a maikari iti agpada a Medicaid ken Medicare. Ti kayatna a sawen ti C-SNP ket Plano Kadagiti Agsubli-subli a Naisangsangayan a Kasapulan (Chronic Special Needs). Dagitoy a plano ket para kadagiti tattao nga addaan iti agsubli-subli a kondision iti salun-at. Dagiti pagwadan ket kairamanan ti agsubli-subli a panagbabak ti puso, dagiti cardiovascular a sakit ken diabetes.

Agpada a nadisenio dagiti Doble a Plano para kadagiti Nasingsingayan a Kasapulan (dagiti D-SNP) ken dagiti Medicare-Medicaid a Plano (MMPs) tapno nalaklaka a makagun-od iti taripato dagiti doble-a-kualipikado nga indibidual. Palakaen dagitoy a plano ti access iti taripato babaen iti Medicare ken Medicaid. Ngem adda dakkel a nagdumaanda. Iti MMP, amin dagiti benepisio iti Medicare ken Medicaid ket maipaay babaen iti 1 a solo a plano iti salun-at. Iti D-SNP, mapagtalinaed dagiti miembro ti isu met laeng a Medicaid a plano ken dagiti amin nga isu met laeng a benepisio ti Medicaid kas maal-alada ita. Ken, addaanda iti naisina a Medicare Advantage a plano a gagangay a mangipapaay kadakuaka iti ad-adu pay a benepisio ken feature ngem iti Original Medicare. Ti sabali pay a nakaidumaan ket dagiti laeng tattao a naan-anay ti pannakaikarina iti doble ti makapalista iti MMP, ngarud, posible para iti agpada a naan-anay ken kapaset a doble ti pannakaikarina ti makaala iti D-SNP. Ammoen ti ad-adu pay maipapan kadagiti benepisio ti Medicaid babaen kadagiti D-SNP.

Ti Paset D ti Medicare ket masakupan ti naireseta nga agas. Saklawenna ti sumagmamano a naireseta nga agas a saan pay a sakupen ti Paset A ken B ti Medicare. Dagiti Plano ti Medicare Kadagiti Naisangsangayan a Kasapulan (Medicare Special Needs Plans, SNP) ket maysa a klase ti plano ti Medicare Advantage. Dagiti doble a plano ti salun-at ket kairamanan ti masakupan ti agas. Ngem no agtomarkayo iti aniaman a naireseta nga agas, kayatyo a siguraduen a dagiti agasyo ket sakupen ti dual a plano ti salun-at sakbay nga agpalistakayo. Ammuem ti ad-adu pay maipapan iti doble a pannakasakup ti naireseta nga agas ti plano ti salun-at.

Wen, dagiti Doble a Plano para kadagiti Nasingsingayan a Kasapulan (dagiti D-SNP) ket naibatay iti network. Kalikaguman dagitoy a plano dagiti miembro a mangala iti taripato ken serbisio manipud kadagiti doktor wenno ospital iti bukodda a network ti Medicare SNP. Agduduma ti kadakkel dagiti network ti SNP ken dagiti populasion a pagserbianda. Dagiti klase ti network ket kairamanan ti:

1. Dagiti network a mangsakup iti naisalumina a lugar. Kas pangarigan, mabalin a sakupen ti maysa a network ti intero nga estado, kabayatan a sakupen ti sabali a network ti maysa a county. Kadawyanna, ti kaipapananna daytoy ket mabalin a pagserbian ti ad-adu ngem maysa a network ti maysa a lugar.
2. Dagiti network a mangtamtaming iti partikular a parikut ti salun-at, kas iti dementia. Dagiti mangipapaay iti serbisio kadagiti pasiente nga addaan iti partikular a kondision ket mabalin a makipaset iti network.

Ammuem ti ad-adu pay maipapan iti panangbirok iti umno a doktor no addaanka iti Medicaid ken Medicare.

Saan. Saan a kasapulan dagiti referral tapno makaala iti panangtaripato manipud iti siasinoman a doktor, ospital wenno klinika iti uneg ti network.

Agserbi ti UnitedHealthcare Community Plan kadagiti miembro a kualipikado iti Medicaid wenno iti agpada a Medicaid ken Medicare kadagiti 42 nga estado ken iti District of Columbia.*

Idiaya ti UnitedHealthcare dagiti Medicaid a plano kadagitoy nga estado:
Arizona, Colorado, Florida, Hawaii, Indiana, Kansas, Kentucky, Louisiana, Maryland, Michigan, Minnesota, Missouri, Mississippi, North Carolina, Nebraska, New Jersey, Nevada, New York, Ohio, Pennsylvania, Rhode Island, Tennessee, Texas, Virginia, Washington, Wisconsin

Idiaydiaya ti UnitedHealthcare dagiti Doble a Plano para kadagiti Nasingsingayan a Kasapulan (dagiti D-SNP) kadagitoy nga estado**:
Alabama, Arkansas, Arizona, California, Colorado, Connecticut, District of Columbia, Delaware, Florida, Georgia, Hawaii, Iowa, Indiana, Kansas, Kentucky, Louisiana, Massachusetts, Maryland, Maine, Michigan, Minnesota, Missouri, Mississippi, Montana, North Carolina, Nebraska, New Jersey, Nevada, New York, Ohio, Oklahoma, Pennsylvania, Rhode Island, South Carolina, South Dakota, Tennessee, Texas, Utah, Virginia, Washington, Wisconsin, West Virginia, Wyoming

*Manipud idi Setiembre 2023
**Saan a sidadaan iti amin a county