Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Hawai‘i, dakami ti makaammo kenka
Awan-bayadna a masakupan ti seguro iti salun-at manipud iti UnitedHealthcare Community Plan. Ammuen ti maipapan kadagiti plano ti salun-at iti Medicaid Med-QUEST Integration nga idiayami iti Hawai‘i.
Ti panangtulong kadagiti tattao ti sentro ti amin nga ar-aramidenmi
Maikari ti amin iti nalaka a panangtaripato iti salun-at. Iti UnitedHealthcare Community Plan, tultulunganmi dagiti tattao nga agbiag a nasalsalun-at.
Idiayami ti adu a klase ti programa para kenka ken iti pamiliam tapno sumalun-atkayo — ken agtalinaed a nasalun-at. Sakupenmi dagiti nataengan, kūpuna, tattao nga addaan disabilidad, hāpai nga inna ken keiki.
Kitaen no apay a kaykayat ti Hawai‘i ti UnitedHealthcare
- Dakkel a nadumaduma a network dagiti tagaipaay iti serbisio
- Awan-bayadna a virtual a panagbisita
- Panangkiddaw babaen iti surat iti reseta ti ag-agas
- Kangrunaan a masakupan ti seguro para iti ngipen ken panagkita
- Dagiti Serbisyo para ti Salun-at ti Tigtignay
(Behavior Health Services): - Programa a mangsuportar iti nasalun-at a panagsikog
Agtignay tapno maprebentaran ti trangkaso. Ti kadarato a bakuna iti trangkaso ket napaneknekanen a mangprebentar kadagiti sakit a trangkaso, panagbisita iti doktor ken pannakayospital, ken mabalin a makasalbar iti biag dagiti ubbing. Sakupen ti UnitedHealthcare dagiti bakuna iti pulmonia, trangkaso, shingles wenno kulebra.
1Benefits, features, and/or devices vary by plan/area. Mabalin a maipakat dagiti limitasion ken/wenno dagiti maiparit iti network. Other hearing exam providers are available in the UnitedHealthcare network. Sakupen laeng ti plano dagiti hearing aid manipud ti network ti tagaipaay para Panagdengngeg ti UnitedHeatlhcare.
Impormasion ti Miembro
Ti HealthTalk a pagiwarnak ket addan iti online. Dagiti pagiwarnak ket nasayaat a wagas a pangammoan iti maipapan iti planomi iti salun-at ken dagiti napapateg a topiko iti salun-at.
Mabalinmo basaen iti aniaman nga oras, sadinoman a kayatmo. Kitaen daytoy tunggal tallo a bulan para iti baro nga edisyon.
English | Koreano | Ilocano | Tradisional Chinese | Vietnamese
Dagiti Value-Added a Benepisyo
- Dagiti masikog ken ubbing
- Nataengan nga Awanan Asawa, pampamilia ken Kupuna
- Dagiti makatun-oy kadagiti kasapulan mainaig iti matgedan
- Dagiti Ubbing ken Nataengan nga addaan iti Disabilidad
- Dagiti addaan iti napaut a disabilidad gapu iti tawen, sakit wenno pannakadangran
- Silulukat para iti amin a tawen
Kasanokami a Matawagan
Tawagan ti Dagiti Serbisio iti Miembro: Toll-Free 1-888-980-8728
7:45am – 4:30pm, lokal nga oras, Lunes - Biernes
Email: communityplanhi@uhc.com
Dagiti Karaman a Programa
UnitedHealthcare® mobile app
Mangala iti impormasion sadino man ti ayanmo babaen iti UnitedHealthcare mobile app. I-download ti UnitedHealthcare mobile app iti Apple® wenno Android® smartphone wenno tablet mo tapno kitaem no kasano kalaka ti agbirok kadagiti asideg a doktor, kitaen ti Handbook ti Miembro, agbirok iti tulong ken suporta iti komunidadmo, wenno kitaem ti ID kardmo.
Healthy First Steps/Hāpai Mālama
Mangibangon iti nasalun-at a masakbayan para kenka ken para iti maladagam ken makaala kadagiti nagmamayat a gunggona iti ’s Healthy First Steps. Ti programami ket tumulong kena a mangaramid kadagiti umiso nga addang tapno mapagtalinaedka ken ti babym a nasalun-at. Ken mabalinka a makaurnong iti $20 uray no agpalistaka laeng. Tulungandaka:
Ammoen ti Ad-adu Pay
Tulungandaka:
- Mangpili ti maysa a mangipaay serbisio para iti masikog ken maysa a pediatrician (doktor ti ubing)
- Iyiskedyul dagiti panagbisita ken panagpaeksamen ken ikoordinar dagiti pagluganam a mapan kadagiti panagbisitam
- Makaala kadagiti gungguna para iti ipapan kadagiti panagbisita bayat ti panagsikogmo ken kadagiti umuna a 15 a bulan ti maladagam
Medicaid: Ad-adu pay para Kenka iti 2023
Sumagmamano kadagiti benepisyo a mabalin a pakakualipikaram ket pakairamanan ti:
- Pannaripato sakbay ken kalpasan ti panagsikog para kadagiti indibidual ken kaipaspasngay
- Dakkel a network ti mangipaay serbisio
- Masakupan para iti panagkita ken ngipen
- Masakupan ti seguro para iti panangkiddaw babaen iti surat iti naireseta nga agas
- Masakupan para iti salun-at ti panunot
- Dagiti serbisio para iti pannakaagas iti sobra a panagusar iti substansia
- Tattao a mabalin nga agsagsagaba iti stress, depresion, panagdandanag wenno panagusar kadagiti droga wenno arak
Dagiti Serbisyo para ti Salun-at ti Tigtignay
(Behavior Health Services):
Ti Salun-at ti Tig-tignay ket napateg kas iti salun-at a pisikal. Isu a sakupenmi dagitoy a dua.
Ti Required care 100% ket masakupan nga uray awan co-pay, kaiaramanan ti panagpaeksamen ken diayagnosis, behavioral therapy ken panagagas.
Ammoen ti Ad-adu Pay
Matulungannaka dagiti serbisyo iti salun-at ti panunot kadagiti problema a personal a mabalin a makaapektar kenka ken/wenno iti pamilyam. Dagitoy a problema ket mabalin nga stress, depresyon, pannakaburibor, wenno panagusar ti droga wenno arak. Makatulong kami.
Naawanan ka kadi ti trabaho iti nabiit?
Ad-adun a tattao ti kwalipikado para iti QUEST Integration (Medicaid) Kitaem no kwalipikadoka. Saan a masapul ti copay para kadagiti masakupan a serbisio
Bisitaen ti medical.mybenefits.hawaii.gov para iti kanayonan nga impormasyon para iti pagkalehitimo wenno tapno agaplay.
Dagiti virtual nga panagbisita usar ti Doctor Chat
Saan a kanayon a nalaka nga personal a bisitaen ti doktor. Dagiti birtual a panagbisita (wenno telehealth) ket palubosannaka a makasarita ti maysa a doktor 24/7 nga usar ti kompiuter, tablet wenno smartphone. Ti telehealth ket nasayaat nga opsion tapno agasan ti kadawyan a kondision nga addaan ti kadawyan a panagagas. Adtoy ti sumagmamano a pagwadan:
- Panateng, trangkaso, gurigor
- Uyek, ut-ot, ken sakit ti karabukob
- Allergies, gagatel ti kudil, ken iritasion
- Impeksion ti urinary tract/bladder
- Impeksion ti lapayag
- Impeksion ti sinus
- Migraine/sakit ti ulo
- Ken adu pay
Pagluganan
Ipaay ti Med-QUEST a planomi ti awan limitasionna a round trip a mapan ken aggapu kadagiti lugar ti pannakataripato ti salun-at. Mairaman ditoy dagiti pagluganan a mapan iti:
- Dagiti panagbisita iti doktor wenno terapia
- Dagiti departamento ti salun-at
- Dagiti klinika ti panagkita
- Dagiti sentro ti naganat a pannakataripato
- Parmasia
Adda iti masakbayam ti nasalsalun-at a panagbiag
Panangtaginayon iti nasalun-at a kadagsen. Panangisardeng kadagiti ugali a saan a nasayaat iti salun-at. Panangaramid iti kasapulan tapno agtalinaedka ken ti pamiliam a nasalun-at. Mabalin a kasla imposible ti amin no dadduma. Ngem adda dagiti programami a makatulong. Ikkannaka ti programami a UnitedHealthcare Healthy Behaviors iti access iti personal a coach iti salun-at ken pamuspusan tapno tumulong kadagiti banbanag a kas iti:
- Panangpababa ti kadagsen
- Panangisardeng ti panagsigarilio
- Panagabuso iti agas
- Panangtaripato ti panagsikog ken kaipaspasngay (UnitedHealthcare Healthy First Steps®)
Makitinnulong kenka ken iti (kadagiti) doktormo dagiti coach mi iti salun-at tapno tulungandaka a agaramid kadagiti panggep ken mabantayan ti progreso. Addanto met gundawaymo a makaala kadagiti gungguna no maragpatmo dagiti sumagmamano a tarigagay.
Ania ti Medicaid Med-QUEST?
Ti Med-QUEST (Quality, Universal Access, Efficiency, Sustainability, Transformation) ket sangay ti Department of Human Services a mangipaay kadagiti benepisyo iti pannakataripato ti salun-at kadagiti agnanaed iti Hawai’i a kualipikado para iti Medicaid.
Ipaay ti Med-QUEST Division dagiti benepisyo iti pannakataripato ti salun-at kadagiti agnanaed iti Hawai‘i a kualipikado para iti Medicaid babaen iti QUEST Integration.
Babaen iti QUEST Integration, amin a kualipikado a miembro ti pamiliam ket mabalin nga agpili iti plano ti salun-at a maiyannatup kadagiti kasapulanda a panangtaripato iti salun-at.
Ken no madanonmo ti tawen nga 65 ken umakarka iti Medicare wenno no maaddaanka iti disabilidad, saanmonto a masapul a sukatan ti plano ti salun-atmo. Mabalinmo ti agtalinaed iti isu met la a plano ti salun-at.
Mabalinmo a pilien ti tradisional a Medicare wenno sabali a Medicare Advantage a plano. Idiaya ti amin a plano ti salun-at ti QUEST Integration dagiti plano ti Medicare ken adu ti mangted kadagiti ekstra a benepisyo nga awan bayadna. No usarem ti isu met la a plano ti salun-at para iti Medicare ken Medicaid, makatulong daytoy kenka a mangikoordinar kadagiti serbisio, mangala iti ad-adu pay a benepisyo, ken mapababam dagiti gastosmo iti agas. Bisitaen ti medicare.gov tapno ammuem dagiti pagpiliam.
Siasino ti maikari para iti Medicaid Med-QUEST?
Ammoen ti Ad-adu Pay
Tapno kualipikadoda iti Medicaid, dagiti potensial a miembro wenno annakda ket masapul:
- Masapul a residente ti Hawai‘i
- Nga umili ti U.S. wenno legal a residente
- Nga addaan sanikua ken addaan sueldo a makaanay
- Dagiti tattao a ti pannakaikarida iti Medicaid ket kangrunaan a naibasar iti matgedanda ket maikarinto babaen kadagiti sumaganad a Federal Poverty Level (FPL) threshold:
- Ubbing – agingga iti 313% FPL
- Babbai a masikog – agingga iti 196% ti FPL
- Nagannak/Kabaggian a mangay-aywan – agingga iti 105% ti FPL
- Nataengan a naub-ubing ngem 65 (saan a makaaw-awat iti Supplemental Security Income wenno Medicare)– agingga iti 138% ti FPL
Dagiti tattao nga agtawen iti 65 ken agpangato, wenno bulsek wenno baldado, ket mabalin a maikeddeng ti pannakakualipikarda babaen iti sumaganad a matgedan ken dagiti asset thresholds:
- Matgedan nga agingga iti 100% ti FPL ken agingga iti $2000 nga assets para iti sangkabalayan ti maysa laeng a tao wenno agingga iti $3000 para iti sangkabalayan ti dua; wenno
- No ti matgedan ket dakdakkel ngem 100% ti FPL ken assets agingga iti $2000 para iti sangkabalayan ti maysa a tao wenno agingga iti $3000 para iti sangkabalayan ti dua, mabalin a maikari para iti medikal a tulong babaen iti programa a Medically Needy Spenddown, no la ketdi dagiti gastosna iti medikal ket dakdakkel ngem iti naikeddeng a gatad ti spenddown.
Ania dagiti dokumento a masapul iti panagaplikar para iti Medicaid Med-QUEST?
No agaplikarda kadagiti serbisio, masapul a ti potensial a miembro ket itugotna wenno ikoreona (no bilang adda) dagiti sumaganad a dokumento:
- Resibo ti sueldo wenno dadduma pay a papeles a mangipakita iti binulan a sueldo dagiti miembro ti pamilia.
- Ti numero ti Social Security para kadagiti amin nga indibidual nga agtarigagay iti Medicaid (saan a masapul no kadagiti ubbing a nababbaba ngem 6 a bulan ti edadda).
- Dagiti papeles a mangipakita iti sanikua ti pamilia para kadagiti amin nga indibidual nga agtarigagay iti Medicaid (kas pagarigan: dokumento ti banko, ti nagan, modelo, ken tawen ti luganmo). Saan a kasapulan no adda agaplikar gapu ta adda masikog wenno ubbing laeng ti iyap-aplikarnda (nga agedad 18 wenno nababbaba pay).
- Papeles ti legal a residente no ti potensial a miembro ket saan nga umili ti U.S. ket kayatna ti maaddaan iti Medicaid.
- Ebidensia nga isu ket residente (kas pagarigan: bill ti gas, koriente, wenno danum, surat manipud iti landlord a pagab-abanganna). Saan a masapul daytoy no ti iyap-aplikaran ket ubbing (nga agtawen 18 ken nababbaba pay).
- Impormasion maipapan iti aniaman a seguro ti salun-at mainaig iti trabaho a mabalin nga usaren ti pamiliam.
- PALAGIP: Dagiti potensial a miembro ket mabalin a kiddawenda ti gayyem wenno sabali a tao a pinilida kas "autorisado a pannakabagi" nga isu ti agaplikar para kadakuada. Mabalinna pay a kiddawen a ti mangipatarus iti pagsasaona wenno senyasna ket tumulong nga agapliakr para kenkuana. Kiddawem ti maysa a manangipatarus no umawagka a makitulag iti eskediulmo.
Ti HealthTalk a pagiwarnak ket addan iti online. Dagiti pagiwarnak ket nasayaat a wagas a pangammoan iti maipapan iti planomi iti salun-at ken dagiti napapateg a topiko iti salun-at.
Mabalinmo basaen iti aniaman nga oras, sadinoman a kayatmo. Kitaen daytoy tunggal tallo a bulan para iti baro nga edisyon.
Periodiko ti Medicaid English | Koreano | Ilocano | Chinese | Vietnamese