Indiana, sikamin ti mangamong kenka

Kas miembro ti UnitedHealthcare IN Hoosier Care Connect, makaalaka kadagiti kanayonan a benepisio a saan nga idiaya dagiti dadduma a plano.

Ti Hoosier Care Connect ket programa nga agserserbi kadagiti miembro a nataengan, bulding wenno addaan ti disabilidad, ken kairamanan met dagiti ubbing kadagiti pagamponan ken dagiti ward ti Estado.

• Tulong iti panagala kadagiti serbisio ken suporta
• Dagiti gunggona ti miembro iti panangala iti taripato a kasapulam
• Pannakaisubli ti nagastos iti alternatibo a panagagas
• Dagiti makatulong nga app para iti telepono wenno kompiutermo
• Programa a kapada ti sekundaria 
• Taraon ni Inang, a maitulod iti pagtaengam
• Dagiti kalikagum kadagiti nalaka a pammataudan iti internet
• Dagiti kalikagum iti serbisio ti mobile a telepono
• Dagiti Nasalun-at a Damu nga Addang, maysa a programa para kadagiti masikog nga inna ken dagiti maladagada
• 24/7 akses iti nars wenno doktor

Maaddaankanto iti kangrunaan a tagaipaay iti medikal a serbisio (PMP) nga agbalin a kangrunaan a doktormo. Ti bukodmo a PMP ket ti tao a mangkita kenka para iti kaadduan ti taripatom. Kairamanan daytoy dagiti tsek-ap, panagagas, panagbakuna, saan a nakaro a pannakadunor ken dagiti parikut iti salun-at. Kasaritam ti bukodmo a PMP maipapan iti aniaman a dadduma a pakaseknam. Matulongannaka ti bukodmo a PMP nga agdesision kadagiti umno a pagpilian para kenka.

Ti bukodmo a PCP ti kangrunaam a doktormo para iti:

• Taripato a panglapped iti sakit kas kadagiti panagpatsek-ap, panagsukimat para iti kanser ken dagiti panagbakuna
• Panagagas no sika ket agsakit wenno nadunor
• Dagiti kalikagum kadagiti espesialista para kadagiti naisalumina a kondision

Usarem ti Alikamen a Pangbirok iti Doktor tapno makitam no adda iti network-mi ti doktormo. Nu awan ti bukodmo a PMP wenno nu iti doktormo ket awan iti network-mi, matunlungandaka nga agsapol iti baro nga asideg kenka. Mabalinmo a sukatan ti bukodmo a PMP iti aniaman a tiempo.

Saan a kanayon a nalaka nga personal a bisitaen ti doktor. Dagiti birtual a panagbisita (wenno telehealth) ket palubosannaka a makasarita ti maysa a doktor 24/7 nga usar ti kompiuter, tablet wenno smartphone. Ti telehealth ket nasayaat nga opsion tapno agasan ti kadawyan a kondision nga addaan ti kadawyan a panagagas. Adtoy ti sumagmamano a pagwadan:

• Panateng, trangkaso, gurigor
• Uyek, ut-ot, ken sakit ti karabukob
• Allergies, gagatel ti kudil, ken iritasion
• Impeksion ti urinary tract/bladder
• Impeksion ti lapayag
• Impeksion ti sinus
• Migraine/sakit ti ulo
• Ken adu pay
  

Mabalin a narigat ti bukbukod a panangimaton iti taripato ti salun-atmo, nangruna nu aggigiddan a sangsangoem ti adu a parikut iti salun-at. Nu masapulmo ti kanayonan a suporta tapno maalam ken agtalinaedka a nasalun-at, makatulongkami. Amin dagiti miembromi iti Hoosier Care Connect ket addaan iti akses iti bukodda a Tagaidur-as kadagiti Serbisio iti Miembro. Matulongannaka ti Tagaidur-asmo kadagiti Serbisio iti Miembro a:

• Mangawat iti programa a Hoosier Care Connect
• Agbirok iti doktor, dentista wenno doktor ti mata
• Mangipalawag kadagiti benepisiom ken masakupam
• Makisarita kenka maipapan kadagiti naisingsingayan a programa a sidadaan kenka
• Tulunganka a mangala kadagiti materiales iti kayatmo a format (Braille, dadakkel a letra, audio file)
• Ikonektarka iti Tagaimaton iti Taripato nu kasapulan
• Agbirok kadagiti pammataudan nga asideg kenka tapno matulonganka kadagiti dadduma a problema kas iti taraon, pabalay, transportasion, trabaho, rikna a kinatalged wenno edukasion
• Ken adu-ado pay!
  

No kasapulam ti pagluganan, karaman kadagiti benepisiom ti transportasion. Sakupenmi dagiti biahe nga agturong iti:

• Kadagiti medikal nga appointment
• Kadagiti appointment para iti panagpabakuna
• Kadagiti parmasia (nu naited ti reseta bayat ti panagbisita)
• Pagalaan iti makan
• Kadagiti appointment iti WIC
• Kadagiti a kinakari iti Medicaid
• Dagiti miting ti miembro, kas ti bukod tayo a Konseho ti HERO

Ti wheelchair-accessible a pagluganan ket sidadaan kas kasapulan. Mabalin met a kualipikadoka para iti bus pass wenno pannakaisubli ti miliahe dagiti gagayyem ken kapamilia.

Makisarita iti rehistrado a nars iti aniaman nga oras 24/7 tapno makaala kadagiti sungbat iti aniaman a saludsod wenno pakaseknan iti salun-at.

Dagiti narsmi ket:

• Dumngeg kadagiti sintomas
• Tumulong iti panangtaripato iti bukod a bagi
• Balakadanka maipapan iti panangala iti taripato iti panagbisita iti doktor wenno iti sentro ti naganat a taripato
• Tulonganka a mangammo nu kaano ti yaapan iti kuarto ti emerhensia

Ti panagbisita ti kinakaradkad iti doktor ket makatulong kenka nga agtalinaed a nasalun-at. Makatulong dagitoy a panagbisita tapno matakuatan a nasapa dagiti problema iti salun-at, tapno maagasan dagitoy. Makipagkitaka koma iti bukodmo a PMP tunggal tawen para iti panangsukimat iti nasalun-at, uray nu saanka nga agsakit wenno maimatonam dagiti sintomasmo. Dagiti serbisyo ti panagsakbay ket kairamanan ti:

• Dagiti panagpatsek-ap para kadagiti nataengan ken ubbing
• Pannakataripato ti nasalun-at a maladaga
• Pannakataripato para kadagiti babbai a masikog
• Dagiti rutina a bakuna ken eksamen
• Dagiti Mammogram
• Awan ti copay para iti pannaripato a panglapped iti sakit
  

Narigat ti mangisardeng, ngem makatulongkami. Ammom kadi a kalpasan ti 20 minutos nga insardengmo ti panagsigarilio, agsubli iti normal ti pitik ti pusom? Ken iti las-ud ti 24 nga oras a nagsardeng ka agsubli iti normal ti lebel ti carbon monoxide iti daram.

Kasaritam ti doktormo maipapan iti panangisardeng. Wenno tawagan ti 1-800-QUIT-NOW (1-800-784-8669) tapno makaala iti libre a panagisuro, panagbalakad ken suplay a makatulong kenka nga agsardeng.

Maikari iti gunggona ti panangaramid kadagiti simple a bambanag a nasayaat para iti salun-atmo. Dayta ti maalam manipud kadagiti Gunggona ti Miembro ti UnitedHealthcare. Kas miembro ti Indiana Hoosier Care Connect, mabalin ka a makaala ti kard ti sagut para ti:

• Maminsan a daras a kard ti sagut iti panangkumpletom iti Survey kadagiti Kasapulan iti Salun-at iti las-ud ti 90 nga aldaw
• Tinawen a kard iti sagut para kadagiti panagbisita ti kinakaradkad kadagiti amin a miembro nga agtawen ti 3 ken natataengan pay
• Tinawen a kard iti sagut para iti panagbisita para iti ngipen
• Nai-tiempo a kard ti sagut para iti pasurnad kalpasan ti pannakaospital para iti alkohol ken dadduma a panagusar iti droga

Ti HealthTalk a pagiwarnak ket addan iti online. Dagiti pagiwarnak ket nasayaat a wagas a pangammoan iti maipapan iti planomi iti salun-at ken dagiti napapateg a topiko iti salun-at.

Mabalinmo basaen iti aniaman nga oras, sadinoman a kayatmo. Kitaen daytoy tunggal tallo a bulan para iti baro nga edisyon.

English | Español