Isurat ti pakauna a direktiba dagiti kayatmo iti panangaywan iti salun-at. Makatulong daytoy no kaspangarigan saanmon a maibaga dagiti kayatmo.
Apela
Kiddaw para iti naparbeng a panagbista a mainaig iti singasing a tignay ti ahensia, nakumpleto a tignay ti ahensia, wenno pannakapaay ti ahensia nga agaramid iti maitutup iti tiempo a desision.
Aplikasion
Pormal a kiddaw para kadagiti benepisio a naaramid iti ahensia babaen iti surat ken pinirmaan ti aplikante wenno sabali pay nga agtigtignay para iti aplikante. Mabalin a maawat ti aplikasion babaen iti koreo, telepono, fax, personal, wenno iti elektroniko a wagas.
C
Koordinator ti Panangtaripato
Ti kangrunaan a punto ti kontak ti maysa a miembro ti UnitedHealthcare Community Plan. Mabalin a sungbatan daytoy a tao ti amin a saludsod ti maysa a miembro maipapan iti panagtignay ti plano ti salun-at, panagala kadagiti kasapulan a serbisio, ken dagiti gandat iti plano. Kompletuenna ti panagsukimat ken agsaludsod maipapan iti estilo ti panagbiag ken salun-at ti miembro. Dumngeg iti miembro ken mangikeddeng kadagiti gandat. Makisarita kadagiti gagayyem, miembro ti pamilia, tagaipaay iti serbisio, ken dadduma pay no umanamong ti miembro.
E
Emerhensia
Ti rumrummuar ken nakaro a panangrugi ti sintoma wenno dagiti sintoma, agraman ti nakaro nga ut-ot, a mangiturong iti nainsiriban a tao nga agtignay a nainkalintegan a mamati nga adda kasasaad ti salun-at a kasapulan ti dagus a medikal nga atension, no ti di panangipaay iti medikal nga atension ket agresulta iti nakaro a pannakadadael ti panagandar ti bagi wenno nakaro a saan nga panagandar ti organo wenno paset ti bagi, wenno mangikabil iti nakaro a peggad ti salun-at ti tao.
Siled ti Emerhensia
Dagiti siled ti emerhensia (dagiti ER) ket para kadagiti nakaro a dunor wenno biglaan a panagsakit a mabalin a makapatay ken agkasapulan a dagus iti medikal a taripato. Iti maysa nga emerhensia, nasken a tumawagka iti 911 wenno mapanka a dagus iti ER.
F
Panangloko
Ti inggagara nga intension a mangala kadagiti saan a kualipikado a benepisio wenno bayad.
G
Reklamo
Ti reklamo ket sabali pay a termino ti riri. Mabalinmo nga ipadamag ti reklamo babaen iti panangipaw-it iti surat wenno babaen iti panangkontak iti Dagiti Serbisio iti Miembro.
H
Panagdengngeg
Ti panangbista ket no kiddawem iti programam iti salun-at a mangrepaso iti kasom kalpasan a pinagkedkedanda ti planom iti apela.
I
Inpatient
Ti pasiente a maawat para iti agpatnag wenno napapaut a panagtalinaed iti pasilidad ti panangaywan ti salun-at ken umaw-awat kadagiti sakup a serbisio.
M
Medicaid
Ti Indiana Administrasion ti Sebisio ti Pamilia ken Kagimongan (Family and Social Services Administration, FSSA) ket mangidiaydiaya kadagiti serbisio ti Medicaid kadagiti kualipikado a Hoosiers babaen kadagiti Indiana Programa iti Masakupan ti Salun-at (Health Coverage Programs, IHCP). Ti planom iti salun-at ket makikadua iti IHCP tapno mangipaay kadagiti serbisiom iti Medicaid. Para iti impormasion kadagiti Medicaid a programa ti Indiana bisitaen ti in.gov/PathWays/.
Miembro
Maysa a kualipikado a tao ti nagpalista iti UnitedHealthcare Community Plan.
O
Dagiti opioid
Maysa a klase ti makaadikto nga agas nga agtignay iti sistema ti nerbio tapno mabang-aran ti ut-ot.
Outpatient
Maysa a saan a naka-ospital a pasiente nga umaw-awat kadagiti masakupan a serbisio iti ruar ti ospital, kas iti opisina ti mangngagas wenno iti bukod a pagtaengan ti pasiente, wenno iti departamento nga outpatient wenno emerhensia ti ospital wenno iti sentro ti operasion.
P
Preferred Drug List (Listaan ti Kaykayat nga Agas, PDL iti Ingles)
Maysa a listaan dagiti aprobado a maireseta nga agas nga inaprobaran ti Indiana Panangimaton iti Pamilia ken kadagiti Serbisio iti Kagimongan.
Primary Medical Provider (Kangrunaan a Mangipapaay iti Medikal a Serbisio, PMP iti Ingles)
Ti personal a mangipapaay iti personal a taripato iti salun-atmo Ti kangrunaan a mangipapaay iti serbisio a medikal kenka (primary medical provider, PMP) ket mabalin a maysa a pamilia wenno sapasap a mangipapaay, nars a mangpraktis, internist, wenno sabali pay a mangipapaay nga inaprobaran ti Estado ti Indiana. Tapno maawat dagiti benepisio, nasken a mangipaay iti serbisio wenno ikoordina ti bukodmo a PMP ti taripatom. Nu kasapulam ti mapan iti espesialista, kadawyan nga irekomendanaka ti bukodmo a PMP.
Mangipapaay Serbisyo
Ti propesional iti panangtaripato ti salun-at (kas iti doktor, nars, internist, kdp.) wenno pasilidad (kas iti ospital, klinika, kdp.).
R
Maulit a panangamiris
Pana-panawen a panangtingiting iti sapul ken kinakari ti pamiliam. Bayat ti maulit a pangamiris, maaw-awagan pay a kas panagpabaro, nasken a mangisubmitarka iti pammaneknek ti agdama a sapul ken pagnanaedam tapno maberipika ti kinakarim.
S
Dagiti Kasapulan iti Kagimongan
Maysa a kasapulan a kasayaatan a mataming babaen kadagiti pammataudan nga adda iti komunidad. Matulongannaka ti Tagaidur-asmo kadagiti Serbisio iti Miembro a mangakses kadagiti serbisio a mangtaming kadagiti kasapulam iti kagimongan.
Espesialista
Maysa a mangipapaay iti espesial a panangaywan iti salun-at, kas iti cardiologist (doktor ti puso) wenno podiatrist (doktor ti saka).
U
Dagiti Sentro iti Naganat a Panangywan
Mabalinmo nga usaren dagitoy a sentro no saan a makapatay ti kasasaad, ngem agsakitka wenno agkasapulan a dagus iti medikal a panangaywan ket saan nga available ti bukodmo a PCP. Dagiti sentro ti naganat a taripato ken kadawyan a nakalukat kadagiti rabii ken kadagiti murdong ti lawas.
V
Virtual a Panagbisita
Ikonektarnaka dagiti birtual a panagbisita iti live a tagaipaay iti serbisio babaen iti smart phone wenno kompiuter para kadagiti saan nga emerhensia a panagbisita.
