Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Children's Health Insurance Program (CHIP)
Karbengan ti tunggal ubing ti dumakkel a nasalun-at ken naragsak. Tapno tulungan ida nga agbalin a kasta, masapul dagiti ubbing ti regular a panagpa-checkup ken medikal a panangtaripato.
No awan ti pang-salun-at nga seguro ti anakmo, adda maala a tulong. Idiaya ti programa para iti pannakaiseguro ti salun-at dagiti ubbing (Children's Health Insurance Program, CHIP) ti nababa ti bayadan wenno awan bayadna a masakupan ti seguro para kadagiti maladaga, dagiti ubbing ken agtutubo. Nadisenio daytoy tapno tulungan dagiti ubbing a mangala iti panangtaripato a kasapulanda iti panagdakkelda.
Patpatarayen ti tunggal estado ti bukodda a programa a CHIP, ken tumulong ti Medicaid a mangbayad iti daytoy. Adda dagiti espesipiko a pagannurotan ti estadom no siasino ti kualipikado ken no ania ti masakupaan.
Kualipikado kadi ti anakko para iti CHIP?
Ti CHIP ket para kadagiti ubbing a saan a makaala iti seguro iti sabali a lugar. Mabalin a kualipikado ti anakmo, uray no di ka umaw-awat iti Medicaid.
Mabalinko kadi ti agaplikar no saan a siak ti makin-anak iti ubing?
Dagiti lelong, lelang, ikit, uliteg – uray siasino ket mabalin nga agaplikar no la ketdi adda kadakuada ti legal a kustodia. (Mabalin nga usaren ti estadom ti balikas a “legal guardian.”) Ti naimbag a damag ket mabalinmo ti agaplikar iti aniaman nga oras. Laglagipen: No agaplikarka a maminsan ket saan a maawat ti anakmo, di ka maawanan ti namnama. Mabalin nga agbaliw dagiti programa ken pagannurotan, ket mabalin a makualipikarto ti anakmo iti sabali a tiempo.
Ania ti sakupen ti CHIP?
Idiaya ti CHIP ti masakupan ti seguro para iti adu a kita dagiti serbisio, agraman:
- Panagbisita iti doktor ti nasalun-at a maladaga
- Dagiti panagpabakuna
- Panangtaripato iti ospital ken iti tiempo ti emerhensia
- Naireseta nga agas
- Panangtaripato iti ngipen ken panagkita
Mano ti bayadan para iti CHIP?
Para iti sumagmamano a plano, awan ti bayadan. Para iti dadduma, mabalin a masapulmo ti agbayad iti bassit a gatad kada bulan ken no mangala ti anakmo iti panangtaripato. Ngem adda limitasion – saan a nasursurok ngem 5 porsiento ti tinawen a matgedam.
Ania a kita ti plano ti pakaikariak?
Sungbatam ti sumagmamano a pamiitan a saludsod tapno makita nu ania a klase ti plano ti mabalin a nasayaat a maiyannatup kenka.
Sapulen dagiti plano ti Medicaid iti lugaryo
Mabalin nga agbaliw dagiti benepisio ti Medicaid wenno dual a kualipikado a plano depende iti pagnanaedam. Agbirok babaen ti ZIP code-mo tapno makasarakka iti umno a plano a mangpennek kadagiti kasapulam iti panangtaripato iti salun-at.