Kasanoak nga agpalista iti plano ti Medicaid

No maipapan iti panagpalista iti plano ti Medicaid, adda 2 a kangrunaan nga addang. Umuna, masapul a mangisubmitirka iti aplikasion iti ahensia ti Medicaid iti estadom. Apaman a maaprubaran ti aplikasionmo, ti maikadua nga addang ket isu ti agpili iti kayatmo a plano iti salun-at iti Medicaid. Idiaya dagiti estado ti 2, 3 wenno ad-adu pay a pagpilian a plano ti salun-at iti Medicaid. No dadduma mabalin nga otomatiko nga ilista ti maysa nga estado dagiti tattao iti maysa a plano ti Medicaid. Ngem no mapasamak ti kasta, mabalinmo ti umakar. (Kitaen ti ad-adu pay maipapan iti otomatiko a panagpalista iti baba.)

Tapno kitaem ti (dagiti) plano ti UnitedHealthcare Medicaid a sidadaan iti pagnanaedam, agbirok babaen iti ZIP code mo. Iti panid a “Dagiti Detalye ti Plano”, makitamto pay ti maysa a link iti website para iti ahensia ti Medicaid iti estadom.

Agsasabali ti impormasion a dawaten ti tunggal estado tapno kumpletoen ti aplikasion iti Medicaid. Nasken a nakasaganaka a mangted iti impormasion a kas iti:

Personal nga impormasion

• Impormasyon maipanggep kadagiti miyembro ti pamilya (nagan, petsa a pannakaiyanak ken numero ti Social Security)
• Pakakitaan ti kinaumili

Pinansyal nga impormasion

• Impormasyon maipanggep iti renta wenno salda
• Dagiti gastos (kuryente ken danum, daycare, kdpy.)
• Impormasyon maipanggep iti lugan
• Kasuratan maipanggep iti kuwarta iti bangko
• Matgedan (resibo ti suweldo)
  

Medikal nga impormasion

• Pakakitaan ti kinabaldado wenno medikal a rekord a mangipakita iti napaut a medikal a kondisyon
• Dagiti nabiit pay a medikal a nagbayadan
  
  

Mabalinmo ti agpalista iti Medicaid iti aniaman a tiempo iti tawen. Kasta met para iti Programa para iti Pannakaiseguro ti Salun-at dagiti Ubbing (Children’s Health Insurance Program, CHIP). No adda nagbalbaliw iti panagbiagmo, kas koma ti panagasawa, wenno iyaakar iti sabali nga estado, mabalin a kualipikadoka para iti Medicaid ken nasken nga agalipkarka a dagus. Dagiti masikog ket nasken nga agaplikar apaman a maammuanda. Sidadaan ti masakupan ti seguro para iti panagsikog iti Medicaid tapno tumulong a mangtaginayon iti salun-atmo ken ti maladagam iti intero a panagsikogmo ken kalpasanna. Otomatikonto met a mailista ti kaipasngay a maladagam iti Medicaid.

Kalpasan ti damo a panagpalistam kas baro a miembro ti Medicaid, kadawyan nga adda 90 nga aldaw tapno baliwam ti planom. No di ka agpili iti plano ti salun-at, mangidutokto kenka ti estadom iti plano. Kalpasanna, mabalin laeng a baliwan dagiti miembro ti Medicaid ti plano ti salun-atda iti maminsan kada tawen. Ibaganto kenka ti ahensiam ti Medicaid no kaano a mabalinmo a baliwan ti masakupan ti segurom.

Ti otomatiko a panagpalista (maawagan met kas otomatiko a pannakaidutok) ket no otomatiko nga idutok ti estado ti grupo dagiti tattao iti maysa a plano ti Medicaid. Mapasamak daytoy no isardeng ti maysa a kompania ti pang-salun-at nga seguro nga idiaya ti plano ti Medicaid iti partikular a lugar. Wenno no adda available a baro a plano ti salun-at. No otomatiko a maidutok ti maysa a tao iti plano ket ikeddengda a kaykayatda ti sabali a plano ti Medicaid, adda 90 nga aldaw tapno umakarda.

Masapul a pabaruen dagiti miembro ti Medicaid ken CHIP ti masakupan ti seguroda iti kada tawen. Kasta ti panangsigurado dagiti estado a matuntun-oyan latta dagiti nakalista dagiti kasapulan tapno makaala kadagiti benepisyo ti Medicaid. Maaw-awagan pay daytoy a proseso kas Medicaid recertification. Adda met tattao a mangawag iti daytoy kas panagpalista manen iti Medicaid.

Idi adda pandemia ti COVID-19, temporario a naisardeng ti kasapulan a panagpabaro iti Medicaid. Ngem, manipud idi April 01, 2023, nangrugin dagiti estado nga agaramid manen iti tinawen a panagrepaso iti pannakakualipika para iti Medicaid ken CHIP.
 

Usarem ti ZIP code mo tapno agbirok iti plano ti UnitedHealthcare Medicaid iti lugarmo. Iti panid a "Dagiti Detalye ti Plano", makitamto ti kumpleto a listaan dagiti benepisyo, ken sabali pay a value-added a benepisyo* a maalam laeng manipud iti UnitedHealthcare. Apaman a masarakam ti plano a kayatmo, i-click ti button nga “Dagiti Addang tapno Agpalista”. Iturongnakanto daytoy iti panid nga addaan kadagiti bilbilin ken impormasion iti pannakiuman tapno agaplikar para iti masakupan ti seguro ti Medicaid iti estadom.

*Dagiti benepisio, dagiti feature ken/wenno dagiti device ket agbaliwbaliw depende iti plano/lugar. Mabalin a maipakat dagiti limitasion ken/wenno dagiti maiparit iti network. Dagiti benepisio iti OTC ket addaan kadagiti panawen ti panagpaso. Tawagam ti planom wenno repasuem ti Ebidensia ti Masakupan (EOC) para iti ad-adu pay nga impormasion.