Ti pannakikomunikar ket mabalin a maysa kadagiti kadakkelan a trabahom kas tagaaywan. Iti baet dagiti propesional iti taripato ti salun-at ken dagiti kumpania ti seguro, dagiti gagayyem ken kapamilia, ken ti tao nga ay-aywanam, mabalin a kasla awan sardengmo nga agsasao.

Ituloymo ti agbasa tapno masarakam dagiti nalaka nga usaren a balakad a makatulong kenka a dumngeg ken mangibingay iti impormasion a nasayaat. Makatulongda pay a mangpalaka iti biagmo.

Agbalin a nalaing a dumngeg. Dayta ti maysa a kasayaatan a wagas ti panagserbi iti gayyem wenno kabagian nga ay-aywanam. Imdengam nu mangibingbingayda kadagiti ideya, rikna wenno pakaseknan kenka. Agbalinka a naanus kadagiti sungbatmo. Nu saanmo a maal-ala dagiti sungbat a kasapulam, padasem ti agsaludsod kadagiti silulukat a saludsod tapno matulongam ida a mangiyebkas. Adtoy ti sumagmamano a pagwadan:

• “Mabalinmo kadi nga ibaga kaniak ti tukad ti enerhiam tatta nga aldaw kaniak?”
• “Ania ti kayatmo nga ipaybaga kaniak iti nars wenno tagaimaton iti taripato nu tumawagda?”
• “Pagsaritaanta ti gagarmo a mangan. Ania ti nakaidumaanna kumpara idi kalkalpasmo a maoperaan?”
  

Ti panagilista ket matulungan na iti ay-aywanam a tao nga mangaramid kadagiti nasaysayaat a desision iti taripato ti salun-at. Makatulong pay dayta kenka a mangwanawan iti ibagbaga dagiti doktor wenno nars. Mabalinmo nga isurat ti notes mo kas tagaaywan ayan iti binder wenno notbuk. Ngem panunutem ti panangusar iti smartphone mo a pagilistaan kadagiti notes mo. Mabalinmo met ti agusar iti app a kas iti Google Keep tapno i-type dagiti notes ken aginayon kadagiti litrato dagiti dokumento. Kalpasanna, mabalinmo nga i-upload dagitoy iti kompiutermo. Mangpalaka dayta iti panangibingay iti impormasion kadagiti dadduma.

Kas tagaaywan, masapulmo ti agsao para kadagiti kasapulan ti pasiente. Adtoy ti sumagmamano a balakad para iti pannakikomunikar kadagiti propesional iti taripato ti salun-at:

• Siguradoem nga ammo dagiti tagaipaay iti serbisio a tagaaywanka tapno maibingayda ti napateg nga impormasion kenka. (Mabalin a kasapulan ti ay-aywanam a tao ti mangited iti pammalubos kenka a mangkita iti impormasion ti salun-atda.)
• Nu saan a nasayaat para kenka dagiti tiempo ti appointment, saanka a mabuteng a mangibaga. Nasken a nasayaat met kenka ti iskediul.
• Siguradoem a maalam ti naan-anay nga atension dagiti tagaipaay iti medikal a serbisio. Nu pagarupem a saanmo a maal-ala, wenno kayatmo ti makisarita a pribado (imbes nga iti natao a pasilio ti ospital, kas pangarigan), kiddawem a mapankayo iti naul-ulimek a lugar.
  

Makatulong dagiti kapamilia ken nasinged a gagayyem kenka kas tagaaywan. Ngem adda latta sagpaminsan dagiti sakit ti ulo maipapan iti komunikasion. Agbalin a nalawag maipapan iti kasapulam ken nu kasanoda a makatulong. Ipakaammom kadakuada a saanka a makatawag tapno saggaysa a mai-update ti tunggal maysa. Dagiti website a kas iti CaringBridge ket nasayaat a wagas ti panangi-update iti tunggal maysa a mammaminsan.

Bayat a dumdumngegka iti tunggal maysa, masapulomo met ti dumngeg iti bukodmo a bagi. Saanmo nga iyaleng-aleng dagiti bukodmo a rikna. Napateg ti papelmo kas tagaaywan. Maikarika nga agsao ken agkiddaw iti tulong nu masapulmo daytoy.

Dagiti doble-a-kualipikado a plano iti salun-at, wenno dagiti Doble a Plano para kadagiti Nasingsingayan a Kasapulan, ket para kadagiti tattao a kualipikado iti agpadpada a Medicare ken Medicaid. Dagitoy a plano ket kadawyan a kairamanan dagiti adu a kanayonan a benepisio* a makatulong a mangpasimple iti biag dagiti miembro a kualipikado iti doble. Palakaen dagiti doble a plano ti mangikoordina iti taripato para kadagiti tattao a makasapul a mangimaton iti agduduma a doktor, espesialista ken kadagiti serbisio a taripato. Babaen iti panangaramid iti daytoy, dagiti kwalipikado iti doble a plano iti salun-at ket makatulong met a mangpasimple iti biag para kadagiti tagaaywan.

*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion.