Napateg ti pannangan iti nasalun-at iti aniaman nga edad, ngem agbaliw dagiti masapultayo a kanen kas tumataengtayo. Kas tumataengtayo, bumasbassit ti masapul ti bagitayo a makan. Ngem masapul ti bagitayo dagiti partikular a klase dagiti nutrina. Isu a nagbalin a napatpateg manen ti pannangan iti umno a makan. 

Dumtengto iti biag a narigrigatto metten a gilingen ti makan. Ken, ti naalas a salun-at ket mabalin nga isu ti gapuna. Ti diabetes, depresion ken dadduma pay a problema iti salun-at ket makaapekto iti pannangan. Dagiti dadduma nga agas ket makapataud met iti saan a nasayaat nga interaksion ti makan ken agas.

Daytoy ti rason a marigatan dagiti tagaaywan a mangtulong kadagiti ay-aywananda a mangan iti nasalun-at a makan. Nasken a surutem ti aniaman a bilin ti doktorna, ngem makatulong met daytoy a papel ti singasing. Basaem tapno maammoam dagiti wagas nga aramiden kadagiti kadawyan a karit iti nasalun-at a pannangan.

Ania ti kasayaatan a dieta para kadagiti nataengan? Kadawyan dayta a saludsod. Mabalin nga adda dagiti partikular a parikut a maipakat kadagiti dadduma a nataengan wenno kadagiti addaan kadagiti disabilidad. Ngem maipakat dagiti isu met laeng a sapasap a pagalagadan. Dagitoy a 5 singasing ket nasayaat iti panangtulong iti nganngani amin, kaibilangan dagiti nataengan wenno ti addaan iti disabilidad, iti panagaramid kadagiti nasalsalun-at a pagpilian iti makan:

1. Kissayan dagiti makan ken inumen nga addaan iti adu nga asukar, asin ken saturated a taba
2. Padasem a punoen ti kagudua ti platoda kadagiti prutas ken natnateng
3. Agluto babaen kadagiti nasalun-at a mantika, kas iti mantika ti abokado wenno olibo, imbes a dagiti solido a taba kas iti butter
4. Agusar kadagiti mula ken rekado tapno manayonan ti raman ti makan, gapu ta ti tao nga ay-aywanam ket mabalin a nakissayanen ti panagraman ken panagangotda
5. Ikuno iti doktor sakbay nga agnayon kadagiti bitamina wenno suplemento iti makan gapu ta makapataud dagiti dadduma kadagiti problema kadagiti agas

Adtoy dagiti kadawyan a problema iti pannangan ken dagiti wagas tapno masumra dagitoy:

Rigat nga agngalngal
Mabalin nga agbaliw ti ngipen ken gugot kas tumaeng, a mangparigat iti panangngalngal kadagiti dadduma a makan. Mangpili kadagiti naluklukneng a makan kas iti naluom a prutas, de-lata a tuna, saba nga addaan peanut butter, ken bassit ti asinna a sabaw.

Marigatan nga agtilmon
Dagiti natataengan ket kadawyan a basbassiten ti maaramidda a katay. Makaparigat dayta iti panagtilmon iti makan ken mabalin a makaispal. Ibagam iti doktorna nu marigrigatan nga agtilmon ti bambantayam

Kinaawan ganas a mangan
Padasem ti agnayon iti merienda iti agmalem. Dagiti keso ken whole grain a cracker, naiwa-iwa a mansanas nga addaan iti peanut butter, wenno celery stick a naisawsaw iti tuna salad ket nasalun-at amin a pagpilian.
Ti depresion nu maminsan ket makapataud iti pannakapukaw ti ganas a mangan. Tiempon a tawagam ti doktorda.

Marigatan a mangan
Iti tao nga addaan disabilidad, dagiti problema iti bagi ket makaparigat iti pannangan. Ti ALS, artritis, sakit a Parkinson ken pannaka-stroke ket sumagmamano laeng a sakit a makaparigat iti pannangan. Agbiruk kadagiti espesial a tinidor, kutsara, plato ken dadduma nga alikamen.

Mas kadawyan a maospital dagiti nataengan 65 gapu iti sakit a patauden ti makan. Adtoy dagiti sumagmamano a wagas tapno makissayan ti peggad:

• Ugasan a nalaing dagiti imam, kutsilio, tinidor, kutsara ken plato
• Pagtalinaeden a nadalus dagiti rabaw ti paglutoan ken panganan
• Ilasin dagiti sadiwa a karne, manok, ikan ken itlog manipud iti nakasaganan a kanen a makan
• Lutoen dagiti makan iti temperatura a nangato a makapatay kadagiti mikrobio (agkasapulan dagiti nadumaduma a makan iti agduduma a temperatura)

Ngem ti pannangan iti nasalun-at ket mabalin a narigat iti limitado a badyet. Ti Kredito iti Babayadan iti Taraon, OTC ken Yutilidad ket napateg a benepisio a nairaman kadagiti doble a plano ti salun-at manipud iti UnitedHealthcare.* Daytoy nga benepisyo ket ikkan na dagiti miembro-mi iti maysa nga flexible nga binulan nga credit tapno magastos para kadagiti nasalun-at nga makan, OTC nga produkto, ken pangbayad kadagiti utility bills Mabalin nga usaren dagiti miembro ti debit kardda a paggatang kadagiti prutas ken nateng, karne ken ikan, dagiti produkto a dairy ken dadduma pay a nasalun-at a makan nga awan bayadna.

Dagiti doble a plano iti salun-at ket para kadagiti tattao a kualipikado iti agpada a Medicaid ken Medicare. Karaman kadagiti doble a plano iti salun-at dagiti adu a kanayonan a benepisio a mabalin a makapalaka iti biag dagiti tattao a nababa ti kitana. Ti Kredito iti Taraon, OTC ken Singir iti Yutilidad ket maysa laeng a pangarigan. Kitaem amin nga sabali pay nga benepisio ti doble nga plano ti salun-at a mabalin nga maited.

*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion. Para kadagiti detalye maipapan iti eksakto Credit para ti Makan, OTC, ken Utility Bill nga naitipon iti bukodmo a 2023 Dual Special Needs Plan, tawagan ti numero wenno bisitaen ti website a nakaprinta iti likudan ti bukod mo nga UnitedHealthcare UCard.