Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Dagiti 5 a makapasorpresa a benepisio dagiti doble a plano ti salun-at
Naipakdaar: February 10, 2020
Petsa ti kaudian a pannakapabaro: December 01, 2023
Adu a tattao nga addaan iti Medicaid ken Medicare ti aduan pakarigatan iti salun-atda. Ken narigrigat manen ti panagbiag gapu iti nababa a matmatgedan. Iraman dagiti doble a plano iti salun-at dagiti nayon a benepisio ken pakausaran tapno tumulong kadagiti addaan iti Medicaid ken Medicare. Sumagmamano kadagitoy a benepisio, kas kadagiti kredito a panggatang kadagiti produkto nga OTC ken masakupan a groseria, panangtaripato iti ngipen ken saklaw iti maireseta nga agas, mabalinmo nga ammuen ti maipapan iti dayta. Ngem idiaya met dagiti doble a plano iti salun-at ti adu pay a dadduma a benepisio ken pakausaran a mabalin a dimo namnamaen.* Ituloy ti agbasa tapno ammuen ti ad-adu pay.
1. Koordinasyon ti Pannakataripato
Mabalin a makariro ti panangtaripato ti salun-at para iti siasinoman. Ngem mabalin a narigrigat pay para kadagiti addaan iti Medicaid ken Medicare. Sumagmamano a doble a plano iti salun-at ti mabalin a mangidiaya kenka iti personal a paraurnos iti panangtaripato. Dayta ket maysa a tao a tumulong kenka tapno:
- Maawatam dagiti benepisiom iti Medicaid ken Medicare.
- Imatonam dagiti doktormo, espesialista ken serbisio ti panangtaripato.
- Maalam dagiti serbisio a kasapulam tapno mariknam ti kasayaatan a salun-atmo.
Alaem ti libre a giya iti doble a plano
Amin a masapul nga ammuem maipapan kadagiti Doble a Plano ti Naisangsangayan a Kasapulan iti maysa, kombeniente a giya.
2. Ti Sistema ti Panagresponde ti Personal
nga Emergency
Sumagmamano a doble a plano iti salun-at ti mangidiaya kadagiti miembro ti personal emergency response system (PERS) nga awan ti nayon a bayadna. Iti maysa nga emerhensia, nadaras nga ikonekta ti sistema ti PERS ti miembro iti nagsanay nga operator. Makaited ti operator iti tulong iti telepono ken mabalin pay a mangipatulod ti tulong no kasapulan. Ti PERS ket benepisio a makasalbar ti biag a mausar 24 nga oras kada aldaw kadagiti doble a plano iti salun-at manipud iti UnitedHealthcare.
3. Dagiti Virtual a Medikal a Panagbisita
Saan a kanayon a nalaka ti agbiyahe a mapan iti doktor. Palubosan dagiti Virtual a Medikal a Panagbisita a maki-live video chat dagiti miembro iti maysa a doktor iti computer, tablet wenno smartphoneda. Masungbatan dagiti doktor dagiti saludsod ken maagasanda ti adu a gagangay a kondision ti salun-at. Dagiti Virtual a Medikal a Panagbisita ket mausar 24/7 adda man wenno awan ti appointment.
4. Masakupan ti Seguro para iti Emerhensia iti Intero a Lubong
No agbiaheka wenno bisitaem dagiti kabaggiam, nasayaat a maammuan a masakupanka latta para iti emerhensia ken naganat a panangtaripato. Adu a doble a plano iti salun-at ti mangiraman iti Masakupan ti Seguro para iti Emerhensia iti Intero a Lubong tapno masaluadan dagiti miembro iti sadinoman ken iti kaanoman nga agbiaheda.
5. Mabalin a makapagpalistaka a dagus
Maysa kadagiti kadadakkelan a benepisio ti doble a plano iti salun-at ket isu ti saanmo a panaguray tapno agpalista. Mabalin a sukatan ti kaadduan a tattao ti planoda iti Medicare bayat ti Tinawen a Panagpalista iti Medicare (AEP) iti panawen ti otonio (fall). Ngem no kualipikadoka para iti Medicaid ken nakalistaka iti Medicare, mabalin nga agpalistaka bayat ti umuna nga 9 a bulan ti tawen iti Panawen ti Naisangsangayan a Panagpalista (SEP). Kitaen ti artikulo a Kaanoka a mabalin nga agpalista iti doble a plano iti salun-at para iti ad-adu pay a detalye.
UCard®, manipud laeng iti UnitedHealthcare
Ti UCard mo ti bukodmo nga ID kas miembro ken ad-adu pay. Usarem ti UCard-mo a paggatang iti nasalun-at a taraon, magatang uray awan resetana (OTC) a produkto ken pagbayad kadagiti singir iti yutilidad.
*Dagiti benepisio, dagiti feature ken/wenno dagiti device ket agbaliwbaliw depende iti plano/lugar. Mabalin a maipakat dagiti limitasion ken/wenno dagiti maiparit iti network.
Kitaen dagiti plano ti UnitedHealthcare iti lugarmo
Mabalin ang agbaliw dagiti benepisio ti Doble a maikari wenno Medicaid a plano depende iti pagnanaedam. Agbirok babaen ti ZIP code-mo tapno makasarakka iti umno a plano a mangpennek kadagiti kasapulam iti panangtaripato iti salun-at.