Ti diabetes ket serioso, agpaut a sakit. Masapul ti nasayaat a panangimaton iti taripato ti diabetes tapno mawanawanan ti diabetes. Awan ti agas para iti diabetes. Ngem mabalin latta nga agbiag iti napaut ken naragsak dagiti tattao nga addaan diabetes. Ti tulbek ket ti panangsurot iti panglapped a taripato iti diabetes ken panangtaginayon kadagiti nababa a rukod ti asukar iti dara. Makatulong met ti kaadda iti umiso a plano iti salun-at. 

Dagiti kualipikado iti doble plano iti salun-at (maaw-awagan met iti Dagiti Doble a Plano kadagiti Espesial a Kasapulan wenno Dual Special Needs Plans, D-SNPs) ket klase ti Medicare Advantage a plano para kadagiti tattao a kualipikado para iti agpada a Medicaid ken Medicare. Dayta ti kaipapanan ti termino a “kualipikado iti doble”. Ipaganetget daytoy nga artikulo 5 dagiti wagas a makatulong ti doble a plano iti salun-at kadagiti tattao nga addaan iti diabetes iti nasaysayaat a panangimaton iti pannakataripatoda iti diabetes.

Makatulong dagiti doble a plano iti salun-at a mangbayad iti insulin, dagiti insulin pen, ringgilia, dagum ken dadduma pay a suplay ti diabetes. Saklawen met dagiti doble a plano iti salun-at dagiti reseta nga agas tapno makatulong iti diabetes. Dagiti dadduma nga agas iti diabetes ket pababaenda dagiti rukod ti glucose ti dara (asukar ti dara). Dagiti dadduma nga agas a mainaig iti diabetes ket tumulong a mangpababa iti presion ti dara tapno makissayan ti peggad ti sakit ti puso ken pannaka-stroke.  

Malaksid iti insulin, masapul dagiti strip a pangsubok ken dagiti amin a klase ti dadduma a medikal a suplay tapno nasayaat a maimatonan ti diabetes. Para kadagiti tattao nga addaan iti diabetes, ti gastos kadagiti suplay ti addaan diabetesna ket nadaras nga umado. Ngem manen, maysa pay daytoy a paset a mabalin a makatulong ti kualipikado iti doble a plano iti salun-at. 

Ti Kredito iti Babayadan iti Taraon, OTC ken Yutilidad ket napateg a benepisio a nairaman kadagiti doble a plano ti salun-at manipud iti UnitedHealthcare.* Mangted daytoy a benepisio kadagiti miembromi iti nalaka a maibagay a binulan a kredito a mabalinda nga usaren a paggatang iti rinibu a produkto nga awan ti reseta iti adu a retailer. Gasa man, dagiti pag-swab iti alkohol, pang-monitor iti presion ti dara wenno dadduma pay nga abasto a makatulong iti panangaywan iti diabetes, mabalinmo a gatangen dagitoy babaen iti kreditom imbes a bayadam manipud iti bukodmo a bulsa. Ken no kasapulam dagiti banag kas aspirin, bitamina, toothpaste dagiti abasto ti pustiso wenno bendahe, mabalinmo nga usaren dagiti kreditom a panggatang met laeng dagitoy a banag.

Mabalin met nga usaren dagiti miembro ti UnitedHealthcare ti kredito iti babayadan iti Taraon, OTC ken Yutilidad a panggatang kadagiti naaprobaran a groseria nga awan ti magastosda. Ti nadumaduma a pagpilian ket kairamanan dagiti prutas ken nateng, karne ken ikan, itlog ken produkto ti gatas ken adu pay a makapasalun-at a taraon.

Ti nasalun-at a pannangan ket napateg a paset ti nasayaat a panangimaton iti pannakataripato ti diabetes. Ti A1C a pangsubok iti diabetes ket wanawananna dagiti rukod ti asukar ti dara iti nasurok a 2- 3 a bulan a tiempo. Dagiti taraon a nangato iti carbohydrates (carbs), kas iti pasta, tinapay ken cereal ken mabalin a makapangato iti asukar ti dara. Ngem ti panagkaan kadagiti nasalun-at a taraon ket nadaras a makapababa kadagiti rukod ti A1C nga asukar ti dara. Mangan iti adu a prutas, dagiti saan a naarina a natnateng, dagiti bukbukel ken taraon nga addaan nangato a fiber. Limitaran dagiti naka-package, naproseso ken take-out a makmakan a mabalin a nangato iti saturated a taba, asin ken nainayon nga asukar. Agannad met iti rukod ti dasar. Ti pannangan iti basbassit ket mabalin a maysa kadagiti kasayaatan a pamay-an tapno makontrol ti diabetes ken mapabassit ti kaadu ti asukar iti dara.

Malaksid iti nasaysayaat a dieta ken nutrision, ti panag-ehersisio ket maysa iti kakapatgan a panagbaliw iti estilo ti panagbiag a makatulong a mangpababa kadagiti rukod A1C nga asukar ti dara. Ken adda adu pay a benepisio iti salun-at a kakuyog ti kinaaktibo a pisikal. Dayta ti rason nga adu kadagiti doble a plano iti salun-at ti UnitedHealthcare ti nakairamanan ti Renew Active® a programa iti kinakaradkad.* Ipaayan daytoy a benepisio dagiti miembro iti libre a gagangay a kinamiembro kadagiti gym ken sentro ti kinakaradkad, ken akses kadagiti klase ti grupo ken onlin nga ehersisio ti utek. 

Mabalin a narigat ti panagbiag nga addaan iti diabetes wenno kadagiti dadduma a napaut a sakit. Ken dagiti tattao nga addaan iti Medicaid ken Medicare ket kasla addaan iti medio adu a kasapulan iti salun-at. Babaen iti Doble a Plano kadagiti Espesial a Kasapulan ti UnitedHealthcare, mabalinka a makaala iti naiyurnos a kapadasan iti pannaripato tapno makatulong iti panangimaton iti planom iti taripato ti diabetes kasta met ti aniaman a dadduma a parikut iti salun-at a mabalin nga adda kenka.

Dagiti miembro dagiti doble a plano iti salun-at ti UnitedHealthcare ket addaan iti Navigator a tumulong kadakuada a mangsurot iti proseso ti sistema ti taripato ti salun-at. Ti Navigator ket ti solo a kaumanmo a mangam-ammo kenka ken dagiti partikular a karit iti salun-atmo. Kas pangarigan addaanka iti saludsod maipapan kadagiti pagbasaran iti taripato ti diabetes wenno kayatmo ti kanayonan a suporta a kas iti panagbalakad para iti diabetes wenno nutrision. Mabalinmo a tawagan ti bukodmo a Navigator tapno maalam dagiti sungbat ken masarakam dagiti sidadaan a programa. Iti Nabigador mo ket agtarabaho para kenka, para ti pamilyam ken ti tagataripatom tapno masegurado nga maalam ti masapul mo nga panangtaripato.  

*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion. Para kadagiti detalye maipapan iti eksakto Credit para ti Makan, OTC, ken Utility Bill nga naitipon iti bukodmo a 2023 Dual Special Needs Plan, tawagan ti numero wenno bisitaen ti website a nakaprinta iti likudan ti bukod mo nga UnitedHealthcare UCard.