No addaanka iti Original Medicare, mabalin a natakuatamon a saanna a sakupen dagiti eksaminasion iti mata. No masapulmo ti eksaminasion iti mata para kadagiti sarming ti mata wenno contact lens, masapul a sika a mismo ti mangbayad iti daytoy. Ngem iti doble a plano iti salun-at, makaalaka ti masakupan ti seguro para iti panagkita.* Dagiti doble a plano ti salun-at ket para kadagiti tattao nga addaan iti agpada a Medicaid ken Medicare. Sakupen ti kaadduan a doble a plano iti salun-at dagiti serbisio iti panagkita, isu nga ad-adu ti sakupenda a pannakataripatom ken dagiti mabayadan.

Napateg para iti amin ti regular a panangsukimat iti panagkitam. Ngem dadduma a doble a plano ti salun-at ket lumabes iti kangrunaan a saklawen ken mangted pay kenka iti abasto a ginasut a doliar tapno makatulong a mangbayad kadagiti anteokos. Ngem ad-adu pay ti ited dagiti doble a plano iti salun-at ngem iti kangrunaan a masakupan ti seguro ken ikkannaka iti ginasut a dolyar a credit tapno tumulong iti panagbayad para iti sarming ti mata. Adu ti maitulong daytoy tapno mabayadam ti napintas a baro a sarming ti mata. Wenno mabalin a piliem ti contact lens no isu ti kayatmo.

Sumagmamano a gagangay a saksakit ti mata ti mabalin nga agbanag iti pannakapukaw ti panagkita wenno uray pay pannakabulsek. Kadagiti damo a pasetna, saan unay a madlaw dagiti seniales ti sumagmamano a nakaro a saksakit ti mata. Ngem makatulong no nasapa a matakuatan dagitoy tapno masalbarmo ti panagkitam. Kasapulan ti kanayonan a panagannad dagiti tattao nga addaan iti diabetes. Segun iti Asosasion para iti Diabetes iti Amerika (American Diabetes Association), nalaklaka a makaala iti katarata ken glaucoma dagiti tattao nga addaan iti diabetes. Mabalin a makatulong ti masakupan ti seguro para iti panagkita a maalam iti doble a plano iti salun-at tapno masaluadam ti panagkitam ken ti salun-atmo. Ken maalam daytoy nga awan ti kanayonan a bayadam.