Mapan iti kangrunaan a linaon
Kangrunaan a Linaon

Dagiti masansan a masalsaludsod maipapan iti Medicaid (FAQs)

Agsapsapulka kadi iti impormasion maipapan iti Medicaid? Addakami ditoy tapno tumulong. Sapulen dagiti sungbat kadagiti gagangay a saludsod maipapan iti Medicaid — manipud no siasino ti maikari agingga no kasano ti agaplikar ken dadduma pay.

Ti pannakakualipika iti Medicaid

Ti Medicaid ket programa ti pederal ken estado a mangipapaay iti sakup iti taripato ti salun-at kadagiti tattao a kwalipikado. Patpatarayen ti tunggal estado ti bukodna a programa a Medicaid, ngem addaan ti pederal a gobierno kadagiti alagaden a nasken a suruten dagiti amin nga estado. Mangipapaay met ti pederal a gobierno iti saan a nababbaba ngem kagudua ti pondo para kadagiti kalikagumanda iti Medicaid. Ammuem ti ad-adu pay maipapan iti Medicaid ken no ania ti masakupan daytoy.

Iti amin nga estado, ipaay ti Medicaid ti masakupan ti seguro para iti sumagmamano a tattao a nababa ti matgedanda, dagiti pamilia ken ubbing, masikog a babbai, dagiti lallakay ken babbaket, ken tattao nga addaan disabilidad. Iti sumagmamano nga estado, sakupen ti Medicaid ti amin a nataengan a nababbaba ti matgedanda ngem iti partikular a gatad.

Dagiti eksakto a kasapulan tapno makualipikar para iti Medicaid ket depende no sadino ti pagnanaedanyo. Tapno ammuen no maikarikayo para iti Medicaid iti estadoyo, bisitaen ti website para iti Medicaid iti estadoyo. Kalpasanna kitaen dagiti kasapulan tapno makualipikar.

Makitayonto ti link iti website para iti ahensia ti Medicaid iti estadoyo iti panid a "Dagiti Detalye ti Plano" para iti tunggal plano ti salun-at nga idiaya ti UnitedHealthcare Community Plan. Tapno makita dagiti plano a magun-od iti lugaryo, maidawat nga usarenyo ti kahon ti panagbirok iti baba daytoy a panid.

Wen, basta matun-oymo dagiti kualipikasion ti Medicaid iti estadom. Makagun-odka man wenno saan iti Social Security Disability Insurance (SSDI), saan nga agbaliw ti pannakakualipikarmo iti Medicaid. Ti pananggun-od iti SSDI ket automatiko a mangkualipika kenka para iti Medicare, ngem adda panawen ti panaguray. Mabalin a masapulmo ti aguray iti 2 a tawen kalpasan a makualipika ka iti benepisio ti Social Security iti disabilidad sakbaymo a maala ti Medicare.

Ammuem ti ad-adu pay maipapan iti pannakabaldado iti Social Security ken Medicaid ken Medicare.

Panagpalista iti Medicaid

No agaplikarkayo iti Medicaid, masapul a sungbatanyo ti maysa a pormas ti aplikasion. Agduduma dagiti kasapulan para iti Medicaid iti agduduma nga estado. Nalabit a masapulyonto ti nadumaduma a dokumento, kas koma:

Personal nga impormasion

  • Impormasyon maipanggep kadagiti miyembro ti pamilya (nagan, petsa a pannakaiyanak ken numero ti Social Security)
  • Pakakitaan ti citizenship

Pinansyal nga impormasion

  • Impormasyon maipanggep iti renta wenno salda
  • Dagiti gastos (kuryente ken danum, daycare, kdpy.)
  • Impormasyon maipanggep iti lugan
  • Kasuratan maipanggep iti kuwarta iti bangko
  • Matgedan (resibo ti suweldo)

Medikal nga impormasion

  • Pakakitaan ti disabilidad wenno medikal a rekord a mangipakita ti napaut a medikal a kondisyon
  • Kabaruan a kontar ti medikal a babayadan

Masapulyo ti agaplikar babaen iti ahensia ti estado a mangimatmaton iti programa a Medicaid iti estadoyo. Tapno makita dagiti plano a magun-od iti lugaryo, maidawat nga usarenyo ti kahon ti panagbirok iti baba daytoy a panid.

Mabalinka nga agaplikar para iti Medicaid wenno CHIP (ti Children’s Health Insurance Program) iti aniaman nga oras iti intero a tawen.

Ti programa ti Medicaid iti tunggal estado ket tartarawidwidan ti gobierno ti estado para iti dayta nga estado. Bayat a mabalin a mangidiaya dagiti sumagmamano nga estado kadagiti nadumaduma a kita ti plano ti Medicaid, tunggal plano ket kadawyan a para iti maysa a kita ti tao (kas kadagiti ubbing, pamilia wenno dagiti nababa ti matgedanna a nataengan). Nalabit a saanmo a mabalin a baliwan ti planom iti Medicaid wenno umakar iti sabali a plano ti Medicaid malaksid no agbaliw ti kasasaad ti biagmo. (No mangasawaka wenno agsikogka, kas pagarigan). Mabalinmo ti agaplikar para iti Medicaid iti aniaman a tiempo iti intero a tawen.

Makitayonto ti link iti website para iti ahensia ti Medicaid iti estadoyo iti panid a "Dagiti Detalye ti Plano" para iti tunggal plano ti salun-at nga idiaya ti UnitedHealthcare Community Plan. Tapno makita dagiti plano a magun-od iti lugaryo, maidawat nga usarenyo ti kahon ti panagbirok iti baba daytoy a panid.

UnitedHealthcare Community Plan serves members who qualify for Medicaid or for both Medicaid and Medicare in 42 states and the District of Columbia.*

Idiaya ti UnitedHealthcare dagiti Medicaid a plano kadagitoy nga estado:
Arizona, Colorado, Florida, Hawaii, Indiana, Kansas, Kentucky, Louisiana, Maryland, Michigan, Minnesota, Missouri, Mississippi, North Carolina, Nebraska, New Jersey, Nevada, New York, Ohio, Pennsylvania, Rhode Island, Tennessee, Texas, Virginia, Washington, Wisconsin

*Manipud idi Setiembre 2023

Sakup ken benepisio ti Medicaid

Imatonan ti tunggal estado ti bukodda a programa a Medicaid isu a ti sakupen ti Medicaid ket mabalin nga agduduma iti tunggal estado. Ngem adda dagiti dadduma a serbisio a nasken a saklawen ti tunggal estado iti programada a Medicaid a maiyannatup iti linteg ti pederal. Maaw-awagan dagitoy a mandatorio a benepisio. Mabalin met a pilien nga idiaya dagiti estado dagiti dadduma a benepisio babaen iti Medicaid. Maaw-awagan dagitoy nga opsional a benepisio.

Dagiti benepisio ti Mandatorio a Medicaid ket kaibilangan ti:

  • Inpatient a taripato iti ospital
  • Inpatient nga apagbiit nge eksperto a panagaywan wenno taripato iti pasilidad ti rehabilitasion
  • Dagiti serbisio ti doktor
  • Outpatient nga ospital wenno klinika ti taripato
  • Dagiti serbisio a laboratorio ken X-ray
  • Apagbiit a taripato ti salun-at iti pagtaengan (ipapaay ti ahensia ti taripato ti salun-at iti pagtaengan)
  • Serbisyo ti ambulansia
  • Naireseta nga Agas para kadagiti tattao a saan a saklawen ti Medicare

Dagiti opsional a benepisio nga idiaya dagiti dadduma nga estado ket kaibilangan ti:

  • Panageksamen iti mata ken antiokos
  • Dagiti panagsubok iti panagdengngeg ken dagiti aparato iti panagdengngeg
  • Taripato ti ngipen
  • Dagiti panag-screen a panglapped iti sakit
  • Pisikal a terapiya (iti labes ti maidiaya babaen ti Medicare)
  • Saan nga emerhensia a transportasion mapan ken aggapu iti medikal a panagagas
  • Dagiti dadduma a naireseta nga Agas ket saan a sakup ti Medicare
  • Dagiti dadduma a saan nga naireseta nga agas, kaibilangan dagiti partikular a bisita
  • Chiropractic a taripato

Ti Medicaid ket programa a panangtaripato iti salun-at nga imatmatonan ti tunggal gobierno ti estado. Nupay kasta, saan a dagiti gobierno ti estado ti aktual a mangipaay iti seguro iti salun-at. Makikontrata dagiti gobierno ti estado kadagiti pribado a kompania ti seguro kas koma iti UnitedHealthcare a mangipaay iti masakupan ti seguro ti salun-at para kadagiti benepisyaryo ti Medicaid ken dadduma pay a programa ti gobierno para iti panangtaripato ti salun-at. Maimatonan dagiti plano ti salun-at nga inisponsoran ti gobierno iti nagan a UnitedHealthcare Community Plan.

Iti kaadduan a kaso, ti Medicaid ti maidi a remedyo iti panagbayad. Ti kaipapananna dayta ket agbayad ti Medicaid kalpasan a nagbayad ti aniaman a dadduma a tagabayad iti bingayda kadagiti serbisio a naipaay. Kas pangarigan, nu addaanka iti Medicare wenno aniaman a klase ti saklaw ti pribado a taripato ti salun-at, kanayon a ti Medicaid ti maikadua a tagabayad. Umuna a singiren dagiti mangipapaay iti panangtaripato iti salun-at ti kangrunaan a mangbayad, ken bayadan ti Medicaid ti mabati. Dayta ti gapuna a masapul nga ibaga dagiti nagpalista iti Medicaid no adda sabali a gubuayan ti sakupda.

Iti kaadduan a kaso, bayadan ti Medicaid ti buo a gastos para kadagiti saklaw a serbisio, tapno saan a masapul nga agbayad dagiti tattao nga addaan iti Medicaid iti binulan a premium wenno aniaman a kaltas. Ngem adda dagiti dadduma a mailaksid ken agduduma dagti pagalagadan iti tunggal estado. Kadagiti dadduma a kaso, nu addaan ti maysa a tao kadagiti benepisio iti Social Security, mabalin a maala ti bassit a gatad manipud kadagita a benepisio tapno makatulong a mangsaklaw iti gastos iti saklaw ti Medicaid.

Ad-adu pay maipapan iti seguro ti salun-at ken gagangay a termino

Ti Medicare ket programa ti seguro ti salun-at iti pagilian nga imatmatonan ti gobierno pederal. Dayta ket para kadagiti tattao nga agtawen 65 ken natataengan, ken dagiti dadduma met laeng a tattao nga awan pay ti edadda a 65 nga addaan iti sumagmamano a pannakabaldadoda. Ammuem ti ad-adu pay maipapan iti Medicare.

Ti Affordable Care Act (ACA) ti mangpalpalawa ti pannakagun-od iti de kalidad ken makabael a masakupan ti salun-at para kadagiti minilion nga Americano. Pinirmaan tapno agbalin a pederal a linteg babaen ni Presidente Barak Obama idi 2010, ti ACA ket mangipanamnama ti pannakasakup ti salun-at uray ania man 177ti lebel ti matgedan, kasasaad ti trabaho, wenno dagiti napalabas a kasasaad ti salun-atmo.

Ti kayatna a sawen ti DDD ket Dibision ti Kinabaldado iti Panagdekkel – maysa a dibision ti Departamento ti Seguridad ti Ekonomia (Department of Economic Security, DES). Makitintinnulong ti DES kadagiti pamilia, organisasion ti komunidad, adbokasia ken kasosyo ti estado ken pederal tapno matungpal ti kolektibo a sirmatatayo a tunggal ubing, nataengan, ken pamilia ket natalged ken natalged iti ekonomia.

Maysa nga espesipiko a plano ti salun-at ti estado para iti sumagmamano nga umaw-awat iti Medicaid. Para dayta kadagiti nataengan ken ubbing nga addaan iti pisikal a pannakabaldadona.

Ti Supplemental Security Income (SSI) ket binulan a benepisio a kuarta a bayadan ti Social Security Administration (SSA) ti pederal nga gobierno ken Departamento ti Salun-at ken Serbisio (Department of Health and Services, DHS) ti estado kadagiti nababa ti matgedanda a nataengan, bulsek, ken baldado nga umili. Saan a kapada dagiti benepisio ti SSI dagiti benepisio ti Social Security.

Ti CHIP, a ti kaipapananna ket Children’s Health Insurance Program, ket mangipaay iti nababa a gastos a seguro para kadagiti ubbing a dagiti pamiliada ket saan a makasabet kadagiti kasapulan iti pannakakualipika iti matgedan para iti Medicaid. Mabalin met a mangipaay ti CHIP iti pannakasaklaw kadagiti masikog kadagiti dadduma nga estado, ngem saanna a saklawen dagiti nataengan a mangay-aywan kadagiti ubbing a kwalipikado para iti CHIP.

Ania a kita ti plano ti pakaikariak?

Sungbatam ti sumagmamano a pamiitan a saludsod tapno makita nu ania a klase ti plano ti mabalin a nasayaat a maiyannatup kenka.

Sapulen dagiti plano ti Medicaid iti lugaryo

Mabalin nga agbaliw dagiti benepisio ti Medicaid wenno dual a kualipikado a plano depende iti pagnanaedam. Agbirok babaen iti ZIP code-mo tapno masarakam ti umno a plano a makatun-oy kadagiti kasapulam iti panangtaripato iti salun-atmo.

Powered by Translations.com GlobalLink OneLink SoftwarePowered By OneLink