Ti panagpalawa iti Medicaid ket paset ti Linteg iti Nalaka a Taripato (Affordable Care Act, ACA). Ti gandat ti ACA ket ti panangpalaka pay iti seguro iti salun-at para kadagiti tattao a nababa ti kitana. Pinirmaan ni Presidente Obama kas linteg ti ACA idi 2010.

Inpaayan ti panagpalawa iti Medicaid dagiti estado iti gundaway a mangipaay iti pannakasaklaw iti Medicaid kadagiti tattao a kumitkita iti agingga 138% ti tukad ti kinapanglaw ti pederal (Federal Poverty Level, FPL). Ti FPL ket maysa a rukod ti kita. Daytoy ti pagpatinggaan tapno makualipika para iti Medicaid ken dagiti dadduma a benepisyo ti gobierno. Pabpabaroen ti pederal a gobierno ti FPL tunggal tawen. Para iti 2023, ti FPL ket $13590 para kadagiti indibidual ken $27750 para iti pamilia ti 4.

Linukatan ti panagpalawa iti Medicaid ti akses iti Medicaid kangrunaan kadagitoy a 2 grupo ti nababa ti kitana:

1. Dagiti nataengan nga awanan iti annak
2. Dagiti tattao nga, iti napalabas, ket kimmita iti adu unay tapno makualipika para iti Medicaid ti estado

Patpatarayen ti tunggal estado ti bukodna a programa a Medicaid, ngem addaan ti pederal a gobierno kadagiti alagaden a nasken a suruten dagiti amin nga estado. Kasukat ti panangsurot kadagitoy a pagalagadan, mangipapaay met ti gobierno a pederal kadagiti estado iti saan a bumaba iti kagudua ti pondo a kasapulan tapno mapaandar ti programa a Medicaid.

Kasano ngay dagiti gastos a partikular a mainaig iti panagpalawa iti Medicaid? Iti umuna a sumagmamano a tawen, nagbayad ti gobierno a pederal iti 100%, wenno ti buo a gatad ti gastos. Kadagiti tawtawen kalpasannan, in-inut a nakissayan dayta a bingay. Agingga idi 2020 — ken kadagiti tunggal tawen a simmaruno — agbayaden ita ti gobierno a pederal iti 90%. Ti kaipapananna dayta ket iti tunggal kanayonan a doliar a gastoen ti estado iti panagpalawa iti Medicaid, saklawen ti gobierno a pederal ti 90 a sentimo ti gastos.

Idi 2012, inkeddeng ti Kangatoan a Korte ti Estados Unidos a saan a mabalin a puersaen ti gobierno a pederal dagiti estado a palawaenda ti Medicaid babaen iti ACA. Dayta ket gapu ta magastoan dagiti estado iti panangsaklaw iti ad-ado a tattao iti Medicaid. Kas resultana, mabalin nga agpili ti tunggal estado nu palawaenda wenno saan ti programada a Medicaid. Iti agdama, 38 nga estado ken ti Washington, D.C. ti nangipakat iti panagpalawa ti Medicaid ken 12 nga estado ti saan.¹

Nangngegmo kadin ti law-ang iti pannakasaklaw (Coverage Gap) iti Medicaid? Daytoy ket situasion a makaapekto iti partikular a grupo dagiti tattao kadagiti estado a nangpili a saanda a palawaen ti Medicaid. Dagitoy a tattao ket kimmita iti adu unay tapno makualipika para iti Medicaid iti estadoda. Ngem madi da latta makaya ti gastos iti panangala iti pannakasaklaw iti salun-at babaen iti plano a pang-indibidual wenno pangpamilia iti merkado (ACA). Agarup 2.2 a milion a tattao ti natnag iti daytoy a law-ang iti pannakasaklaw iti Medicaid.²

Ti Menges Group ket pang-entero a nasion a kumpania ti panagbalakad a nakatutok iti panagsapul kadagiti wagas tapno nasaysayaat a mapagserbian dagiti nangato ti peggadna a populasion. Nangaramid ti Menges Group iti panagadal tapno maikumpara dagiti estado a nangpasingked iti Panangpalawa iti Medicaid kadagiti estado a saan. Dagiti kangrunaan a naduktalan manipud iti panagadal ti Menges Group,³ ket naipablaak idi Agosto 2021, a kairamanan ti:

• Nasurok 9 a milion a tattao ti saan kuma a nakaseguro nu madi dati nakaala iti pannakasaklaw babaen iti Panangpalawa iti Medicaid.
• Manipud 2013–2019, ti bingay kadagiti gastos ti Medicaid a baybayadan dagiti estado ket ngimmato iti basbassit kadagiti estado a nangpalawa iti Medicaid kumpara kadagidiay a saan (19.5% kumpara iti 26.4%).
• Nakatulong ti panangpalawa iti Medicaid tapno mapababa ti kaadu ti natay iti COVID-19 kadagiti tattao nga agtawen iti 18–64.
• Agparparang a dakkel ti ngimmatoan ti kita ti ospital kadagiti estado nga addaan iti napalawa a Medicaid.

Inaramid a posible ti panangpalawa iti Medicaid para iti ad-adu a tattao ti panangala iti pannakasaklaw iti taripato ti salun-at babaen iti Medicaid. Kairamanan dayta ti partikular a bilang dagiti tattao a kualipikado met laeng a makaala kadagiti benepisyo ti Medicare. Ken iti daytoy nga kaso, suda ket dakkel tyansada nga agkwalipika para iti Dual Special Needs Plan (wenno dual-eligible nga plano iti salun-at). Daytoy ket klase ti plano iti seguro ti salun-at para kadagiti tattao nga addaan iti agpada a Medicare ken Medicaid. Dagitoy nga tattao ket “dual-eligible” gapu ta mabalinda nga umawat kadagiti benepisio ti Medicare ken uray dagiti benepisio ti Medicaid.

Dagiti Dual Special Needs Plans ket Medicare Advantage plans nga mangipapaay iti kanayonan a tulong kadagiti makasapul iti daytoy. Dayta ket mabalin a gapu iti matgedan, disabilidad, tawen ken/wenno kondision ti salun-at. Ti Dual Special Needs Plan ket makipagtintinnulong iti plano iti salun-atmo iti Medicaid. Mapagtalinaedmo amin a benepisiom iti Medicaid. Kaaduan kadagiti dual health plan ket mangited pay kenka iti ad-adu a benepisio ken pakausaran ngem iti Original Medicare.* Amin iti kas kababa ti $0 a premium ti plano. Ammoen ti ad-adu pay maipapan kadagiti benepisyo ti dual health insurance plan.

1 Status of State Medicaid Expansion Decisions: Interactive Map (KFF, June 21,2022), (accessed August 16, 2022).
2 The coverage gap: Uninsured poor adults in states that do not expand Medicaid (KFF, January 21, 2021),  (accessed December 14, 2021).
3 Assessment of Medicaid Expansion’s Impacts (The Menges Group, August 2021) (accessed July 13, 2023).
*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion.