Kayat a saoen ti panagpabaro iti Medicaid ket milyon-milyon kadagiti tattao ti mabalin a mapukawan kadagiti benepisio da

Uray no maawagan daytoy a panagpabaro ti Medicaid, panangamiris manen ti Medicaid wenno panangsertipikar manen iti Medicaid, agpapada laeng ti kayatna a saoen. Daytoy ket no dagiti tattao a mangal-ala kadagiti benepisio ti Medicaid ket kasapulan nga isertipikar manen, wenno pabaroen, ti masakupan da. Tapno maaramid daytoy, kasapulan da a paneknekan a masabat da latta dagiti makakualipika a kasapulan tapno maawat dagiti benepisio ti Medicaid iti estado da. Kadagiti kaaduan nga estado, dagiti benepisiaryo ti Medicaid ket kasapulan nga agpabaro kada tawen.

Nangaramid ti COVID-19 ti emerhensia iti publiko a salun-at. Kabayatan ti daytoy nga oras, ti kasapulan para kadagiti mangawat iti Medicaid nga agpabaro kada tawen ket nabiit a naisardeng. Ti pandemiko nga emerhensia iti salun-at ket naipabayag iti adu a daras manipud idi Enero 2020. Kas resultana, ti panangsertipikar manen iti Medicaid ket naisardeng para ti nasurok 2 a tawen ken ti numero ti rekord dagiti tattao ket adda itan iti Medicaid. Ti kinapudnona, nasurok a 81 a milion a tattao ti nakapalista iti Medicaid agpapan iti Mayo 2022.¹

Iti panagturpos ti 2022, inaprubaran ti Kongreso ti makatawen nga spending package para iti 2023. Insaad met daytoy a bill ti Abril 1, 2023 kas baro a petsa a panangrugi ti panagsertipika manen iti Medicaid. Ngarud, addaan dagiti estado iti agingga iti 12 a bulan tapno masertipoka manen amin dagiti umaw-awat iti Medicaid-da. Ngem saan a nalaka nga aramiden daytoy. Dayta ket gapu ta mabalin nga awanan iti aniaman a kontak dagiti estado kadagiti adu a nakalista iti Medicaid para iti 2–3 a tawen. Isu nga adu a pagtataengan wenno impormasion ti pannakiuman ti mabalin a daanen.

Dagiti mangaw-awat ti Medicaid a saan a mangsertipikar manen ket delikado iti pannakapukaw ti masakupan da iti Medicaid ken mabalin a mapukawan da ti masakupan ti seguro iti salun-at. Para iti siasinoman nga adda iti Medicaid, importante a siguradoen nga addaan ti ahensia ti Medicaid iti estadoyo iti husto ken kabaroan nga impormasion ti pangkontakan kadakayo.

Mapattapatta nga agarup 15 a milion a tattao nga agtawen iti 65 ti mabalin a maawanan kadagiti benepisyoda iti Medicaid bayat ti proseso ti Medicaid panagsertipika manen.² Ti kinaawan ti masakupan ti seguro ti Medicaid ket mabalin a pakaigapuan tapno narigrigat ti mangala iti medikal a pannakataripato. Mabalin metlang daytoy nga agresulta iti sobra nangina nga medical bill para kadagidyay awanan ti health insurance.

Dagiti tattao a kualipikado para iti agpada a Medicare ken Medicaid ket maaw-awagan kas dual eligible. Dual Special Needs Plans (D-SNPs) are a type of Medicare Advantage plan that provide extra benefits beyond Original Medicare and Medicaid*.

Kasapulam a maaddaan ti masakupan iti Medicaid tapno makualipika iti D-SNP. Ngarud, kalpasan ti Abril 1, 2023, masapulto nga isertipika manen dagiti miembro ti D-SNP ti masakupan ti seguro ti Medicaid-da. Dagiti miembro ti D-SNP a saanen a makualipika para ti Medicaid kadagiti estado da ket kasapulan a mangpili ti sabali a tipo ti plano iti Medicare. Para iti kabaroan nga impormasion maipanggep iti Medicaid recertification, maidawat ta makikatungtong ken iti bukodyu nga Medicaid Agency ti estado.

*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion.
¹May 2022 Medicaid & CHIP Enrollment Data Highlights(accessed August 29, 2022)
^2.Why Millions on Medicaid Are at Risk of Losing Coverage in the Months Ahead, (KFF, February 14, 2022) (accessed March 1, 2022)