Hmm … ti browser mo ket daan unayen.
Pabaroen tayo ti browsermo tapno maganasam iti napaspaspas, ken nataltalgen nga kapadasan ayan iti site.
Pannakataripato ti salun-at iti pagtaengan iti Medicaid
Naipakdaar: August 16, 2023
Petsa ti kaudian a pannakapabaro: August 17, 2023
Tumulong ti pannakataripato ti salun-at iti pagtaengan iti Medicaid kadagiti lallakay ken babbaket a makapagtalinaed nga agbiag iti bukodda a pagtaengan. Kadawyan, dagiti tattao a makabael nga agnaed iti pagtaenganda ket kaykayatda ditoy ngem ti aggian iti nursing home wenno pasilidad ti panangtaripato. Ngem sumagmamano a tattao ti makasapul iti bassit a nayon a tulong tapno makapagbiagda a natalged iti pagtaenganda. Dita a sumrek ti panangtaripato iti uneg ti pagtaengan iti Medicaid.
Sakupen kadi ti Medicaid ti pannakataripato ti salun-at iti pagtaengan?
Ibilin ti pederal a gobierno a mangidiaya ti amin nga 50 estado kadagiti kita ti benepisyo iti salun-at iti pagtaengan babaen iti Medicaid. Ngem agsasabali dagiti programa ti Medicaid kadagiti estado. Banagna, ti kaadu ti panangtaripato iti pagtaengan ken dagiti kita ti pannakataripato ti salun-at iti pagtaengan iti Medicaid a sidadaan ket agdepende iti lugar a pagnanaedam.
Kasta met, ti balikas a panangtaripato iti pagtaengan ket mabalin a maipakat kadagiti sabali a luglugar malaksid pay iti personal a pagtaengan ti maysa a tao. Ti panangtaripato iti uneg ti pagtaengan iti Medicaid ket mabalin a maipaay iti pagtaengan ti maysa a gayyem wenno kabagian, ken foster care home para iti nataengan wenno pasilidad ti matultulungan a panagbiag.
Ibilin ti pederal a gobierno a mangidiaya ti amin nga 50 estado kadagiti kita ti benepisyo iti salun-at iti pagtaengan babaen iti Medicaid
Ania dagiti serbisio a panangtaripato iti pagtaengan ti sakupen ti Medicaid?
Mabalin a sakupen dagiti Medicaid a programa ti estado ti adu a kita dagiti serbisio. Adda met nadumaduma a wagas tapno pilien dagiti estado a sakupen dagiti serbisio iti salun-at iti pagtaengan iti Medicaid. Uray no saan a sakupen ti regular a plano ti Medicaid ti estado ti sumagmamano a serbisio a panangtaripato iti uneg ti pagtaengan, mabalin latta a maidiaya dagitoy babaen kadagiti programa a Serbisio a Nakabasar iti Pagtaengan ken Komunidad (Home and Community Based Services, HCBS).
Ipakita ti tsart iti baba dagiti kita dagiti serbisio iti salun-at iti pagtaengan iti Medicaid a kadawyan a maala iti kaadduan nga estado.
Serbisio a panangtaripato iti uneg ti pagtaengan iti Medicare |
Panangiladawan |
|---|---|
| Pannakataripato ti salun-at iti pagtaengan | Medikal a panangtaripato a maipatulod iti pagtaengan manipud kadagiti dodoktor, nars wenno sabali pay a nagsanay a mangipapaay ti medikal a serbisio |
| Panangtaripato iti pagtaengan/panangtaripato iti bagi | Tulong kadagiti aktibidad iti inaldaw a panagbiag, kas iti panagdigos, panangestimar iti bagi, panagsukat ti bado, pannangan ken panaggaraw |
| Serbisio ti agtagibalay | Tulong kadagiti kadawyan a trabaho iti uneg ti balay kas iti panagtagibalay, panaglaba, panaggatang iti groseria ken panangisagana kadagiti makan |
| Dagiti serbisio a terapia | Terapia ti pisikal a bagi, panagsao ken mainaig iti trabaho |
| Panangtaripato iti nataengan iti aldaw/salun-at ti nataengan iti aldaw | Nupay daytoy ket maipatulod iti lugar nga adda iti komunidad imbes nga iti pagtaengan, mabalin a mangted ti panangtaripato iti nataengan iti aldaw kadagiti makan, tulong iti panangtaripato iti bagi ken aktibidad iti gimongan tapno tulungan dagiti adda edad nan nga agbiag nga agwaywayas |
| Dagiti panagbalbaliw para iti aksesibilidad | Rampa ti wheelchair, walk-in bathtub, pagkapetan, stairlift ken dadduma pay a panagbalbaliw tapno tumulong a mangpasayaat iti aksesibilidad ken kinatalged iti pagtaengan wenno para iti lugan |
| Medikal nga Alikamen ken Supply | Wheelchair, walker ken dadduma pay nga alikamen ken supply a maibilang kas nasisita nga banag maipanggep iti medisina |
| Serbisio iti Nutrision | Makan a maipatulod iti pagtaengan wenno maipaay iti grupo, pamalbalakad mainaig iti nutrision ken dagiti suplemento ti nutrision |
| Serbisio a Panagresponde iti Personal nga Emerhensia | Elektroniko a panang-monitor wenno dagiti serbisio a call-and-respond a mangpalubos kadagiti tattao a makapagmaymaysa nga awan ti direkta a mangbanbantay |
| Tulong iti transportasion | Dagiti pagluganan wenno kaddua a mapan kadagiti medikal nga appointment, iti farmacia wenno botika kasta met dagiti saan a medikal a kasapulan |
| Pannakataripato ti salun-at iti hospisyo | Para kadagiti tattao a manamnama nga agpaut laengen iti 6 a bulan wenno basbassit pay ti panagbiagda, mabalin a bayadan ti Medicaid ti hospisyo iti pagtaengan |
| Suporta ti pamilia ken manartaripato | Panagsanay, panangtaripato tapno makainana ti manartaripato (panaginana manipud panagtaripato) ken sabali pay a suporta tapno tulungan dagiti manartaripato nga agballaigi iti akemda |
Dagiti dadduma a serbisio a panangtaripato iti uneg ti pagtaengan kas koma ti eksperto a panangtaripato terapia a mainaig iti trabaho, pisikal a bagi wenno panagsao ket ipaay dagiti lisensiado a propesional. Dagiti dadduma a serbisio, kas kadagiti trabaho iti pagtaengan ken panagisagana iti makan, ket mabalin nga ipaay dagiti kapamilia, gagayyem wenno baybayadan a tagaaywan.
Mano nga oras ti pannakataripato ti salun-at iti pagtaengan ti sakupen ti Medicaid?
Kas nasaon, dagiti pagannurotan ti Medicaid ket agdepende iti estado a pagnanaedam. Ti kaadu ti panangtaripato a maalam ket agdepende met iti kita ti programa ti Medicaid a nagpalistaam. Ti tukad ti pannakataripato ti salun-at iti pagtaengan nga ipaay ti Medicaid ket kadawyan a maibasar kadagiti kasapulan ti indibidual. Sumagmamano a programa ti Medicaid ti mabalin nga agbayad para iti katulungan iti panangtaripato iti bagi nga umay iti sumagmamano nga oras kada aldaw kadagiti adu nga aldaw ti lawas. Dagiti sabali a programa ket mabalin a sakupenda laeng ti panangtaripato iti nataengan iti aldaw para iti bassit nga aldaw kada lawas.
Kasano ti makualipikar para iti pannakataripato ti salun-at iti pagtaengan iti Medicaid
Adda 2 a kangrunaan a kasapulam tapno makualipikarka para kadagiti serbisio a pannakataripato ti salun-at iti pagtaengan iti Medicaid:
- Pinansial a kasapulan — Tunggal estado ket addaan kadagiti limitasion no mano ti rumbeng a matgedam wenno ti balor ti sanikuam. Ngem ti limitasion tapno makualipikar para kadagiti serbisio ti HCBS ket mabalin a nangatngato ngem para iti regular a Medicaid.
- Medikal a kasapulan — Kalikaguman dagiti kaadduan a programa iti Medicaid ti estado nga ipakita dagiti umaw-awat a kasapulanda ti medikal a panangtaripato iti uneg ti pagtaengan wenno tulong iti panagdigos, panagsukat ti bado, pannangan ken dagiti sabali pay nga aktibidad ti inaldaw a panagbiag. Tapno makualipikar para kadagiti programa ti HCBS, kadawyan a masapul dagiti umaw-awat ti tukad ti panangtaripato a kapadpada ti maipapaay iti maysa a nursing home.
Mangted met dagiti Dual a Plano Dagiti Nasingsingayan a Kasapulan (Dual Special Needs Plan) iti nayon a suporta
Adda pay dagiti sabali a wagas tapno makaala iti nayon a tulong tapno mapalag-an ti panagbiag. No kualipikadoka para iti agpada a Medicaid ken Medicare, mabalin a makaalaka iti Dual a Plano Dagiti Nasingsingayan a Kasapulan (Dual Special Needs Plan, D-SNP). Ti D-SNP plan ket makitinnulong iti plano ti salun-atmo iti Medicaid. Mapagtalinaedmo amin a benepisiom iti Medicaid. Ken, makaalaka met iti adu a nayon a benepisyo a saan a sakupen ti Original Medicare.* Dagiti Doble a Plano para kadagiti Espesial a Kasapulan ket addaan iti $0 a bayad ti premium para kadagiti miembro nga addaan iti Nayon a Tulong (Subsidy ti Nababa ti Matgedanna). Kitaem no kualipikadoka para iti Dual a Plano Dagiti Nasingsingayan a Kasapulan.
*Dagiti benepisio ken dagiti features ket agduduma depende iti plano/lugar. Agaplikar dagiti limitasion ken dagiti eksklusion.
Ania a kita ti plano ti pakaikariak?
Sungbatam ti sumagmamano nga apagbiit a saludsod tapno makita nu ania a klase ti plano ti mabalin a nasayaat a maiyannatup kenka.
Sapulen dagiti plano ti Medicaid iti lugaryo
Mabalin nga agbaliw dagiti benepisio ti Medicaid wenno dual a kualipikado a plano depende iti pagnanaedam. Agbirok babaen ti ZIP code-mo tapno makasarakka iti umno a plano a mangpennek kadagiti kasapulam iti panangtaripato iti salun-at.