Masakupan ti seguro iti Medicaid para kadagiti masikog ken dagiti maladagada

Sakupen ti Medicaid ti dandani kaguddua ti amin a panagpasngay iti Estados Unidos iti kada tawen. Daytoy ti kangrunaan a pammataudan ti masakupan ti seguro para iti panangtaripato iti salun-at para kadagiti masikog babbai a nababa ti matgedanda. Mangrugi ti masakupan ti seguro iti Medicaid para kadagiti inna bayat ti panagsikog ken agpaut iti saan a nakurkurang ngem 60 nga aldaw kalpasan panagpasngay.

Idi 2023, nangipaay ti Kongreso iti wagas tapno maiyat-atiddog dagiti estado ti masakupan ti seguro ti Medicaid kadagiti inna para iti 12 a bulan kalpasan panagpasngay. Nasursurok ngem kaguddua dagiti estado iti U.S. ti nangpili a mangaramid iti daytoy.¹ Ad-adu pay nga estado ti manamnama a mangaramid met iti kasta iti 2023.

Dagiti eksakto a kasapulan iti pannakabalin nga ma-kwalipikar para iti Medicaid ket depende no sadino ti pagnanaedam. Masapul a sakupen dagiti programa ti estado iti Medicaid dagiti masikog a babbai a makatged iti 133% ti federal poverty level (FPL) wenno nababbaba pay. Ngem mabalin met latta a sakupen dagiti estado dagiti tattao a makatged iti ad-adu ngem dayta. Dagiti babbai a dakkel unay ti sueldona tapno agkualipika iti Medicaid ngem saan nga umdas a makabael iti pribado a seguro ti salun-at ket mabalin a makagun-od iti masakupan ti masikog babaen iti Children's Health Insurance Program (CHIP). Mabalin met a makaala dagiti legal nga imigrante iti masakupan ti seguro para iti salun-at babaen iti CHIP.

Nasken nga agaplikar dagiti babbai para iti Medicaid apaman a maammuanda a masikogda. Iti kasta, makaalada iti masakupan ti seguro iti kabiitan a panawen.

Sakupen ti Medicaid dagiti masikog a babbai sakbay, bayat ken kalpasan panagpasngay. Ti panangtaripato sakbay panagpasngay wenno prenatal care ket isu ti tiempo a dandanin panagpasngay. Importante ti nasayaat a panangtaripato sakbay panagpasngay. Daytoy ket tapno makita ti salun-at ti ina ken ti maladaga bayat ti panagsikog. Makatulong met daytoy kadagiti dodoktor a mangrisut kadagiti problema a matakuatanda.

Sakupen ti Medicaid dagiti rutina a panagpa-checkup. Sakupen met ti kaadduan nga estado dagiti bitamina ken eksaminasion nga ultrasound sakbay ti panagpasngay. No masapul ti maysa a babai ti panangtaripato a maibilang kas nasisita nga banag maipanggep iti medisina bayat ti panagsikog, sakupen met ti Medicaid dagita a serbisio.

Sakupen ti Medicaid ti amin a panangtaripato bayat ti panagpasngay, agraman dagiti mabayadan para iti panagtalinaed iti ospital wenno sentro a paganakan. Sakupen met ti Medicaid ti panangtaripato kalpasan panagpasngay. Maaw-awagan daytoy kas postpartum period. Daytoy ket mabalin a napeggad a tiempo para kadagiti inna ken dagiti maladagada. Isu nga importante ti nasayaat a maipasaruno a panangtaripato.

Iraman met dagiti plano ti salun-at iti Medicaid iti estado dagiti kadawyan a benepisyo. Ngem mabalin met a mangipaay ti UnitedHealthcare kadagiti ekstra a programa para kadagiti babbai a miembro ti Medicaid.* Sumagmamano kadagitoy a programa ti tumulong a mangsigurado nga addaan dagiti babbai iti natalged ken nasalun-at a panagsikog. Dagiti dadduma ket tumulong kadagiti inna iti panangtaripato kadagiti kayyanak a maladagada kalpasan ti panagpasngay.

Mabalin a mairaman kadagiti programami a value-added ti*:

• UnitedHealthcare Healthy First Steps® — Tulunganna amin a masikog a babbai nga agbirok kadagiti mangipapaay serbisio ken ikonektarna ida kadagiti lokal a pammataudan. Mangted met iti nayon a tulong bayat dagiti napeggad a panagsikog ken iti saan a nakurkurang ngem 2 a bulan kalpasan ti panagpasngay.
• Digital nga Edukasion ken Gungguna — Mangted iti naiyannatup nga edukasion iti tunggal tukad ti panagsikog. Ken gunggunaanna dagiti inna para iti ipapan kadagiti panagbisita bayat ti panagsikog ken kalpasan panagpasngay.
• Dagiti Makan a Maipatulod iti Pagtaengan — Patulodanna dagiti babbai iti makan kalpasan iruruar iti ospital.
• Dagiti Serbisio a Panangtaripato iti Uneg ti Pagtaengan — Mangidiaya kadagiti panagbisita iti pagtaengan ken medikal a suporta no kasapulan.
• Suporta iti Panagpasuso — Ikkanna dagiti baro nga inna iti agpatingga iti 6 a virtual a panagbisita tapno tumulong iti panagpasuso.
• Wellhop para iti Ina ken Maladaga — Ikkanna ti pannakabalin dagiti inna a mangiburay kadagiti tip ken istoria kadagiti dadduma a babbai babaen iti online a komunidad.
• Dagiti Supply — Mangted kadagiti diaper, car seat, breast pump ken sabali pay nga importante a supply a kasapulan bayat ti panagsikog ken panangtaripato kadagiti maladaga.

*LAGLAGIPEN: Agduma dagiti benepisio depende iti plano ken ti lugar ti serbisio. Maipakat dagiti limitasion ken dagiti saan a mairaman. Para kadagiti detalye maipapan kadagiti eksakto a benepisyo a maala kadagiti plano ti Medicaid iti lugaryo, agbirokka koma kadagiti plano babaen panangusar ti ZIP code ti pagnanaedam.

Ti doula ket saan a klinikal a tao a mangted ti suporta para kadagiti babbai sakbay, bayat ken kalpasan panagpasikal. Ilawlawag dagiti doula dagiti medikal a proseso iti simple a pagsasao. Makatulongda iti panagpasuso. Mangtedda iti gin-awa bayat ti panagpasikal. Isuroda met dagiti babbai maipapan kadagiti abilidad a mangsango iti situasion ken panangtaripato iti maladaga. Ti panangtaripato ti doula ket agbanag iti basbassit a C-section, basbassit a panagusar iti agas para iti ut-ot ken basbassit a matay nga inna.²

Ita, nasursurok ngem kaguddua ti amin nga estado ti mangipapaay ti masakupan ti seguro ti Medicaid para iti panangtaripato ti doula wenno agtrabtrabahoda tapno mangidiaya iti kastoy.³ Agtrabtrabaho met ti UnitedHealthcare tapno mangidiaya ti panangtaripato ti doula kadagiti estado no sadino a saan a sakupen ti Medicaid daytoy. Makitintinnulong kami iti The Doula Network (TDN). Subsubokenmi dagiti programa a panangtaripato ti doula kadagiti 5 nga estado — Arizona, Kansas, Kentucky, Texas ken Washington.

Babaen panangidiaya ti panangtaripato ti Doula, idadauloan ti UnitedHealthcare dagiti baro a wagas ti maimatonan a panangtaripato iti Medicaid.

¹ Pangwanawan iti Ekstension ti Masakupan ti Medicaid iti Kalpasan ti Panagpasngay (KFF, June 02, 2023)
² Naglabesen: Panangsakup ti Medicaid ken Pribado a Seguro iti Panangtaripato ti Doula tapno Patalgeden ti Salun-at ti Ina ken Maladaga (Overdue: Medicaid and Private Insurance Coverage of Doula Care to Strengthen Maternal and Infant Health) (National Library of Medicine (NLM), 2016)
³ Dagiti Agdama a Panagregget iti Panagimplementar iti Estado ti Doula Medicaid idi Nobiembre 2022 (Programa ti Nailian a Linteg ti Salun-at, November 14, 2022)